KUR DITËT NISIM T’I NUMËROJMË MBRAPSHT,MENDOJ… ( Në vend të urimit… -pak reflektim- ) / Nga Drita Lushi

KUR DITËT NISIM T’I NUMËROJMË MBRAPSHT,MENDOJ…                     Në vend të urimit…                     -pak reflektim-      Nga Drita Lushi    Të kuptosh,të njohësh,të pranosh, të besosh, të guxosh, të falësh, të duash,- shtatë shtylla të arta për të pasur … Continue reading

Gjenovefa Myrtaj

  Gjenovefa Myrtaj   Gjenovefa Myrtaj ka lindur në qytetin e Vlorës më 18 Dhjetor 1959 nga një familje me tradita kulturore dhe qytetare. Femijëria e saj megjithëse kapërcente nëpër vitet e vështira ekonomike të kohës nuk ia zbehu aspak … Continue reading

Diskutim me një studjuesin ortodoks Pirro / Nga Petro Luarasi

Diskutim me një studjuesin ortodoks Pirro

 

(Mbi  shkrimin  ‘’Merrni shëmbëll nga pendimi i Ali Akça-së’’:

Replikë me apollogjetin e këshilltarit të Presidentit, z. Petro Luarasi)

 

 

Petro , kisha blush

Nga : Petro S . Luarasi

 

Në shkrimin ‘’Një urim jo vetëm për ortodoksit shqiptarë’’, në lidhje me anonimatin ‘’Pirro’’ ( apo ‘’Pirro 10’’)   kam shkruar se nuk  mund të përfshihem në ‘’lojë’’ përderisa nuk paraqitet me identitet real, se mund të na dalë robot dhe bëhem unë gaz i botës. Përndryshe si besimtar ortodoks, përse e fsheh autorësinë  e  opinionit të tij? Megjithatë po nxis  hamendjen se  shkruesi ka kontribute intelektuale, historike e fetare dhe quhet Pirro P.

 

Ndaj ka interes publik diskutimi i pikëpamjeve me një qytetar shqiptar, të përkatësisë ortodokse, të cilit po i drejtohem me të njëjtën konsideratë si të jetë vetë i mirënjohuri studjues Pirro P. i cili po ashtu ka shkruar për ‘’kongresin e Beratit, korçaret e SHBA dhe figura të tjera të shquara të  ortodoksisë shqiptare’’.

 

Për më tepër, mesa di, po të jetë ai Pirro,   dhëndër i një intelektuali të shquar, mik i familjes sime, i cili ka patur një vajzë leshverdhë, yll i pashuar ne zemrën time fëminore, në shkollën ‘’7 Marsi’’, Ana-M. quhej…   Për ta qetësuar në hamendësimet e tij, si qytetar i Republikës së Shqipërisë, deklaroj publikisht, me përgjegjësi morale e ligjore se ende nuk jam funksionar apo politikan, por punonjës i thjeshtë që e nxjerr bukën e gojës me djersën e ballit. Nuk kam as miqësi, as  ndonjë ‘’konflikt interesi’’ personal  apo institucional me z. Ndriçim  Kulla.

 

Vetëm për shkëmbim mendimesh, aspak për sherr, kërkova që edhe ‘’Pirro’’ ( apo ‘’Pirro 10’’)  të shfaqej me identitet të plotë. Në shkrimin tim e kam theksuar që nuk kam marrë rolin e avokatit (apo apologjetit) por të një shqiptari atdhetar ortodoks që dëshiron të mbrojë idealet e kontributet e paraardhësve dhe mendimet e tij, që beson se i mbështes në prova dhe jo trillime e shpifje.

 

Për të qenë  konkret në shkrimin ‘’Një urim jo vetëm për ortodoksit shqiptarë’’ në lidhje me personin Pirro P. (anonimin ‘’Pirro’’  (apo ‘’Pirro 10’’)   kam shkruar:

 

‘’Urimi i Presidentit, mendimi i Keshilltarit dhe anonimi ”Pirro”

 

U informova nga mediat, por dhe u binda për lajmin e gëzueshëm (në adresën http://president.al/?p=23525) se në urimin për Krishtlindjet kreu i shtetit shqiptar kishte shprehur dëshirën që në krye të institucionit fetar katolik të vendosej një shqiptar. Akoma më shumë më entuziazmoi artikulli kuptimplotë i këshilltarit të Presidentit, zotit Ndriçim Kulla, i cili përmes përshkrimit historik dhe domosdoshmërisë objektive të realitetit kombëtar shqiptar orientonte dhe përkrahte ortodoksët shqiptarë në të drejtën e tyre për të patur edhe ata një shqiptar në krye të Kishës Ortodokse Autoqefale Shqiptare.(http://webcache.googleusercontent.co...&ct=clnk&gl=al)

 

Përkundër shkrimit të këshilltarit të Presidentit, më çuditi komenti i një personi me emërtim Pirro (i cili shfaqet edhe si Pirro10), me shkrimin ‘’Nje pergjigje per Ndriçim (Erresim) Kullen dhe per te gjithe `Kullat` prej rere’’ (http://www.forumishqiptar.com/thread…llat-prej-rere)

 

Për të qenë korrekt me Pirron (apo Pirro10) po ia citoj disa pjesë teksti:

 

‘’Ne gazeten MAPO ne vend qe te botojë ndonje falenderim per Festen e Krishtlindjeve, z. Erresim Kulla ka botuar nje shkrim te turshem me titull `Tradita Jone e krishtere dhe sfida e Autoqefalise`, ku zoteria ne vend te gezohet, vjell vrer, ne vend te uroje kerkon percarje, ne vend qe te flase per paqe flet per perplasje fetare.z. Erresim Kulla, nuk mund te flasesh per Autoqefaline dhe KOASH-in kur nuk je i komunitetit orthodoks… Ne e respektojme Kryepeshkopin Anastas sepse ai ka kontribuar ne menyre te shkelqyer per Shqiperine…Kjo eshte mikpritja shqiptare, keto jane ateistet ish-komuniste shqiptare qe kane shkaterruar cdo gje të mire ne Shqiperi dhe shohin se ka ndenjur pa u shkaterruar Koash… Patetizmi juaj duke i qare hallin KOASH-it bie ere klientelizem dhe eshte per te lene Nam…Harron qe edhe komuniteti Katolik ka nje te huaj ne krye. Per shqiptaret do te ishte mire qe edhe qeverite shqiptare te ardhme te drejtohen nga te huajt sepse ne nuk e drejtojme Shqiperine me njerez si puna juaj qe vjellin vrer ne cdo rast kur shikohet se nuk fiton ndonje gje. Nga KOASH-i nuk ke per te fituar ndonje lek prandaj rriji larg.’’

 

Nuk mund të përfshihem në ‘’lojën’’ Pirro (Pirro10) përderisa nuk paraqitet me identitet real, të plotë, se mund të na dalë rrobot dhe bëhem unë gaz i botës. Në rast se është njeri, për më tepër besimtar ortodoks, i drejtohem me dorë në zemër dhe shpirt të qetë se në artikullin e këshilltarit të Presidentit, nuk përmendet fare emri dhe veprimtaria e Fortlumturisë Anastas Janullatos, i cili vërtet është kreu aktual i KOASH-it, por aspak vetë institucioni tok me tërë grigjën ortodokse shqiptare dikur, sot e në të ardhmen.

 

Cilido shqiptar ka të drejtë dhe detyrim moral, aq më tepër si studjues dhe këshilltar i Presidentit, të shqetësohet dhe të japë mendime mbi baza shkencore edhe për komunitetet fetare shqiptare.

 

Në lidhje me mendimin për qeverisjen nga të huajt dhe akuzat për afera financiare, ato përmbajnë përgjegjësi penale…’’

 

Për  replikën  ‘’Merrni shëmbëll nga pendimi i Ali Akça-së’’,

 

(Replike me apollogjetin e keshilltarit te Prresidentit, z. Petro Luarasi)

 

http://www.forumishqiptar.com/threads/156957-Merrni-sh%C3%ABmb%C3%ABll-nga-pendimi-i-Ali-Ak%C3%A7a-s%C3%AB?p=3775017#post3775017

 

Mbi të gjitha z.Pirro P., nuk kam dashur e nuk dua të bëj mëkëmbësin apo dëshmitarin  e z.Shkëlqim Kulla dhe pikëpamjeve të tij, por me bindjen time e theksoj përsëri se shikoj një diferencë të madhe konceptuale  midis  komunitetit fetar, institucionit dhe kreut të përkohshëm të tij. Në të kundërt do të bija në verbërinë e hyjnizimit të kultit të individit, apo sikurse shpreheni ju ‘’ në kurthin e ateisto-komunistëve dhe të ekstremistëve’’

 

Për të mos personalizuar e ngjallur keqkuptime, duke njohur  vlerat dhe kontributet reale të kreut të tanishëm të KOASH, nuk mund të minimizoj vlerat dhe veprimtarinë e themeluesive dhe  krerëve  paraardhës, që vendosën që gjithnjë në krye të institucionit ortodoks të ishte një shqiptar.

 

Atëhere si shpjegohet që ju z. Pirro P. tok me të tjerë ortodoksë,  hyjnizoni  kreun aktual të KOSH-it mbi të tjerët shqiptarë, edhe për ngjarje të llahtarshme varrim-zhvarrimesh për tç mbushur me eshtra shqiptarësh varre ushtarësh grekë. Apo të kujtoj ndalimin e vendosjes së statujës së peshkopit të parë të Durrësit e të gjithë Shqipërisë, Imzot Fan Stilian Nolit, në Katedralen Ortodokse në Durrrës. Mirë që u gjend ‘’i jashtëligjshmi’’At Nikolla Marku që e shpëtoi grigjën e ortodoksiszmit shqiptar nga një turp i përjetshëm, duke bërë një meshë në nder të tij dhe me nder e adhurim nga qindra  të pranishëm   e vendosi themeluesin në altarin e kishës ‘’së zaptuar’’  ‘’Shën Maria’’ në kalanë e Elbasanit.

Mos qe edhe ky akt sublime për ne,  një mëkat edhe më i madh për ju!?

 

Në historinë e kombit shqiptar hasen shumë personalitete të shquara të huaj që kanë synuar e vepruar   kundër interesave të tij. Ndër ta mund të përmend edhe ndonjë dhespot shovinist grek, nga më  eruditët dhe më të njohurit në boten religjioze ndërkombetare, me shume tituj e nderime’’,  që kanë mallkuar e shkishëruar familjarisht atdhetarë shqiptarë si p.sh. i respektuari juaj dhe gjyshi im Petro Nini Luarasi, vetëm se u mësonin fëmijëve gjuhën shqipe dhe besimtarëve ortodoksë shqiptarë se si të luteshin, të kuptonin e të merrnin e Zotin’’ .

 

Mbasi nuk iu bind ‘’djajve me veladon’’,  e helmuan  dhe donin t’ia digjnin edhe eshtrat me gëlqere ‘’se paskish patur kolerë‘’.

 

Historia e Papa Kristo Negovanit është akoma dhe më e kobshme, edhe sot e kësaj dite nuk i vihet identiteti mbi varr.

 

Përkundër opinionit të disave,  që as nuk mund ta përfytyrojnë  një institucion dhe grigjën besimtare  pa drejtuesin që u dorovit privilegje,  emri dhe vepra e Fortlumturisë do të vlerësohej përjetësisht pikërisht po të largojej me nder, me përmbushjen e misionit të përkohshëm të rimëkëmbjes së ortodoksisë shqiptare, sikurse kreu i huaj  i katolikëve shqiptarë. Askujt nuk do t’i mbetej ‘’hatri’’.    Edhe kundërshtarët do të binden se ‘’gabimet ishin subjektive, sporadike, pa të keq’’.

 

Hatri dhe dyshimet nuk më mbeten as mua, që mezi po pres të përmbushet amaneti i paraardhësve të mi, për një Shqipëri të qytetëruar, të  begatë, pa hajna, të korruptuar e hipokritë, ku shqiptarët të ndjehen të bashkuar rreth atdheut dhe jo të përçarë në fe, krahina, dialekte e ide.

 

P.S.  O Pirro P.,  shko shpejt e ndiz qirinj e lutju Zotit, se mos i vete në vesh ‘’Fortlumturisë‘’ dhe prokurorisë që e ke menduar ti atë aludimin  ‘’shaka e kripur me spec djegs’’ me Ali Akça-në. Mos ndodhtë  gjë, larg qoftë, se të gjeti ty belaja të parin, si ideolog i komplotit. Nuk të ndihmon anonimati, teknologjia investigative t’i zbërthen menjëherë rrokotelat jashtë e brenda.

Unë,  nuk kam mendje të pakët dhe kohë të tepërt që të mbush qypat e shpuar.

 

 

f

Fan Nolin nuk e qasin në Durrës..

 

 

 

f 2

Por e mirëpresin në Elbasan

 

 

 

f3

Busti i Fan Nolit në Kishën e Shën Mërisë në Elbasan

Urimet e një ateisteje për dashurinë pseudohumaniste / Nga : Genta Kaloçi

Urimet e një ateisteje për dashurinë pseudohumaniste 
genta foto libri
Nga : Genta Kaloçi

  Të gjithë po urojnë, po i uroj dhe unë vetes gëzuar e ta gëzosh ateizmin moj vajzë(po vjedh dhe unë pak nga ndriçimi i këtyre ditëve)…
Çuditërisht të gjithëve u ka plas cipa e po urojnë në këto ditë feste, disa nga halli, disa nga injoranca, disa nga turpi mos duken injorantë, të tjerë thjesht kopjojnë(meqënëse nëpërmjet këtij procesi ne njerëzit mësojm), të tjerë dëshirojnë të duken interesantë, të tjerë të duken si besimtarë të thekur, të tjerë të duken si human, ndërkoh që vetëm rrobat i dallojnë nga kafshët e tjera të xhunglës. Fjalë të ashpra, të hidhura për disa të butë e xhentilë ndërkoh që helmi i tyre gjatë vitit është dhe më helmues se ai i akrepit të zi. Në këto ditë “të veçanta” po përfitoj të marr pak nga ndriçimi dhe të jem në atmosferën e ditëve, meqënëse e vërteta e thënë me dashuri është gjithcka në kto ditë gjoja dashurie. Mundohemi të dukemi si të dashur ndërkoh që gjithë vitin sillemi si kanibalë ndaj njëri tjetrit, dhe në këto ditë thjeshtë ndryshojmë kostumin e shndritshëm dhe menunë me mish të llojit të shpendëve. Asnjë ndryshim thelbësor, vetëm buzëqeshje me pika gjaku, përqafime me kthetra, përkëdhelje të mprehta dhe në këto ditë i them vetes, shyqyr që je ateiste, nuk merr pjesë në këtë maskaradë boshe makabre.
Ju përshëndes të gjithëve e ju sjellshin zotët tuaj ato që keni dhëne në jetët tuaja. Për këtë urimin e fundit s’jam e sigurt sesa nga ju do jeni të kënaqur dhe sesa nga ju do konfirmoni ligjin e kompesimit të natyrës. Megjithatë, pavarësisht se ne ateistët na akuzoni për shumë gjëra ju urojm ç’farë mbillni të korrni. Nëse doni dhe në gjuhën tuaj fetare, besimtare ju sjelltë krishti (ndërkoh që ekzistenca e tij është e dyshimtë) atë që s’mund t’ju sjelli, t’ju sjelli atë që s’mund të keni dhe atë që se keni, pikërisht dashurinë, sepse jeni kaq zemërngushtë e fallco që e festoni një herë në vit sepse çdo ditë keni frikë nga ekzistenca e saj përndryshe do vinte në pikëpyetje ekzistencën tuaj dhe të vendimeve tuaja.
Megjithatë, unë jam gati t’a kthej faqen tjetër meqënëse janë ditë të veçanta dhe jam mësuar të respektoj palën tjetër sado absurde që të jetë.
Hani, pini, vishuni me më tepër dashuri se ditët e tjera të vitit, mbase kjo ju sjelltë dritën në errësirën tuaj si në zemër dhe në shpirt. Ndjehem mirë që skam nevojë për urime të tilla në ditë të tilla, ndjehem që kam shpëtuar “shpirtin” nga kjo marrëzia njerëzore e radhës, duke qëndruar besnike “hyjnores” sime duke qenë më pranë se kurrë. Ky urim për gjithë hipokritët, injorantët e arsimuar, injorantët shejtanë budallenj, politikanët, maskarenjtë, mashtruesit, kriminelët e të gjitha formave pa përjashtim.
Dëgjohemi vitin tjetër në paradën e radhës dhe ku mjerimi, ipokrizia, bythlëpirësia janë ulur këmbë kryq e janë pagëzuar si vlera nën dritën e qirinjve të krishtit, muhamedit, budës e cilit do profet e pseudoprofet që shfaqet në lotët e njerëzimit.

25 Dhjetor 2015

 

UNIONI PANEUROPIAN I KROACISË VLERËSON LART POETIN SHQIPTAR BARDHYL MALIQI NË PREZANTIMIN E LIBRIT TË TIJ “PERANDORIA E ZOGJVE” NË ZAGREB. / Nga : Danica Vukelic, Kroaci

Bardhyl Maliqi    UNIONI PANEUROPIAN I KROACISË VLERËSON LART POETIN SHQIPTAR BARDHYL MALIQI NË PREZANTIMIN E LIBRIT TË TIJ “PERANDORIA E ZOGJVE” NË ZAGREB.     Nga : Danica Vukelic, Kroaci   Për poetin e shquar shqiptar Bardhyl Maliqi, me … Continue reading

VEPRA E BARDHYL MALIQIT SI NJË VEPËR JASHTËZAKONISHT E RËNDËSISHME LETRARE, TANI KA NEVOJË PËR T’U PRANUAR DHE DËSHMUAR EDHE NË RRAFSHIN EUROPIAN… / Nga IVAN RAOS, KROACI

  Bardhyl Maliqi    VEPRA E BARDHYL MALIQIT SI NJË VEPËR JASHTËZAKONISHT E RËNDËSISHME LETRARE, TANI KA  NEVOJË PËR T’U PRANUAR DHE DËSHMUAR EDHE NË RRAFSHIN EUROPIAN…     Nga IVAN RAOS, KROACI       Në ambientet e Unionit … Continue reading

Reportazh : NË “NATËN E NIKAJ-MËRTURIT”, SHKODRA “NDIZET”, TE KINOTEATRI “BLUSKY”… / Nga: Prof. Murat Gecaj

Reportazh: NË “NATËN E NIKAJ-MËRTURIT”, SHKODRA “NDIZET”, TE KINOTEATRI “BLUSKY”…   Nga: Prof.  Murat Gecaj       Duke ndjekur shfaqjen…   1. Në pasditen e 17 dhjetorit 2014, drejt qytetit të Shkodrës udhëtonin sa e sa nikajmërturas ose jo, … Continue reading

DRITA NIKOLIQI BINAJ, NË PËRGJITHËSI ËSHTË KRIJUESE E SAKT E NGJARJEVE JETËSORE ME NJË FUQI TË MENDIMIT KRIJUES / Nga Hysen Ibrahimi, Kryetar i Shoqatës së Shkrimtarëve dhe Artistëve Shqiptarë “Papa Klementi XI Albani“, Suedi .

                                      

u1_DritaNikoliqiBinaj

 

DRITA NIKOLIQI BINAJ, NË PËRGJITHËSI ËSHTË KRIJUESE E SAKT E NGJARJEVE JETËSORE ME NJË FUQI TË MENDIMIT KRIJUES

 

Nga Hysen Ibrahimi, Kryetar i Shoqatës

së Shkrimtarëve dhe Artistëve Shqiptarë

“Papa Klementi XI Albani“, Suedi dhe

Nënkryetar i Lidhjes së Krijuesve

Shqiptarë në Mërgatë.                                    Suedi/Förslöv

18-12-2014

 

 

Mënyra e shprehjes poetike të autorës Drita Nikoliqi-Binaj në poezi, përkatsisht formën se si e krijon poezinë në rrugën e saj krijuese, janë kryesisht tematika në të cilën përqëndrohet autorja. Mjeshtërisht, avancon sferën e zgjërimit të temës duke bërë një zgjedhje perfekte shprehëse, që janë të reja për fushën poetike.

 

drita 1

 

Mënyra e avancimit në poezi nga autorja Drita Nikoliqi Binaj, ndonëse shumë herë përkufizohet dukshëm me një temë të caktuar, ka diçka thellësisht në vetvete dhe ndodhë që len vend për t‘i shprehur me një plan tjetër, sikurse që shkruan në librin “SI TA PAGËZOJ HESHTJEN“  në poezinë e saj të titulluar “TË DUA“:

 

Tani nuk je i imi

je fat i tjetërkujtë.

Por unë të dua

 

Të dua

më fort se kurrë.

Ndoshta

edhe për atë

se je i huaji.

 

Nga ana tjetër, në poezinë e krijueses Drita Nikoliqi-Binaj, jepet një pasqyrë e qartë e modifikimit, duke ndryshuar me lehtësi në përshtatje të poezisë.

Në secilën poezi të autorës, bëhet një përpunim, sa poetik aq edhe letrar e artistik, me inkuadrimin e temave të reja dhe rikujtimin e përjetimeve të vjetra. Krijimtaria poetike më e re e Drita Nikoliqi-Binaj, është e kthyer nga realiteti konkret. Gjatë leximit, në poezinë e autorës Binaj, shifet se ka fillluar rezultati i artikulimit nga një zë i mbrendshëm me një diktat sa intim aq edhe shpirtëror dhe me shpresë. Këtë e lexojm në poezinë e titulluar: „Këngë e pa përfunduar“,

në librin “SI TA PAGËZOJ HESHTJEN“ ku shkruan:

 

Sonte

në heshtje

përjetoj thellë

dëshirat e mia

të pa realizuara.

 

E kurrë

nuk të përfundova

oj këngë

e bukur

mashtruese

 

 

Pra shofim meditimin e autorës, që poezinë e kësaj natyre e përjeton me prirje nga një kujtesë e largët e këngëtimit të pa përfunduar. Këngëtim ky i hershëm me tematikë intime madje edhe si preokupim po kaq i madh, pse nuk arriti të përfundoj këngëtimin.

Në poezinë e Drita Nikoliqi-Binaj, ndeshim në të tri librat e saj, tema me preokupime të një periudhe kur vrulli i dashurisë kap majën. E që më pastaj përmes poezisë shfaqet ana emocionale, që është njëra ndër vlerat më qenësore të krijimtarisë së autorës Drita.

 

Autorja, duke dashur që poezinë e saj ta bëjë sa më të zëshme, gjë që edhe ia arritë këtë qëllim, në anën tjetër ajo fuqishëm ndikon në vlerën e përgjithshme të poezisë, që kap një kuptim të vëllimshëm poetik. E kemi rastin në të tri vëllimet e libfrave të saj, por që dallojnë me veçori të ndryshme të kuptimeve poetike.

 

drita 2

 

Në poezinë e librave në fjalë, hasim në fiksim të gjendjes momentale nga koha e së kaluarës, situatash të përjetimeve nga periudha nga më të ndryshmet, momente të rastit dhe ndodhi nga një realitet autentik të menduar dhe të krijuar në poezi, sa që kjo dëshmon se poetja shndërrohet në një botkuptim me përvojë që poezia e saj të lexohet, të përjetohet dhe të kuptohet sam ë mirë. Çka e cilëson dhe e bën të vlerësueshëm secilin varg të secilës poezi, që kanë kuptim në radhë të parë, por edhe mesazh. Këtë e shofim edhe në poezinë me titull: “Një minut heshtje“, në librin “SI TA PAGËZOJ HESHTJEN“ ku shkruan në strofën e dytë:

 

Për epshet

e ujitura me dhëmbje.

Për virgjërinë

që u dorëzua.

 

Kurse në strofën e tretë në këtë poezi shkruan:

 

Për shoqërinë

e rrezikshme si plumbi

dhe “gitarën“

që është dëshmitare.

 

 

Pra, shofim se në poezinë e autorës Drita, se në poezinë e saj, nuk duhet kërkuar mesazhin e poezisë nga jasht, por mesazhi i poezisë del me një kuptim nga konceptimi i idesë së autorës, se mesazhi është nga mbrendësia shpirtërore. Këtu lexuesi gjithëherë do të mbetet i përqëndruar me mesazhe të mbrendshme në esencën poetike. Shumë shumë rrallë ate formale. Këtu është edhe vlera e poezisë së autorës.

Këtu, do të mund të htoshim se Drita Nikoliqi Binaj, në përgjithësi është një kriuese e sakt e ngjarjeve jetësore me një fuqi të mendimit krijues. Mendime krijuese këto, që hasim nëpër poezinë e saj me preokupime të kohëpaskohshme, jo vetëm në njërin libër, por në të tre librat 3 e saj.

Në poezinë e saj të titulluar „LOT§ËT QË DJEGIN“ në libdirn e saj „Flatrat e Heshtjes“, shkruan në tri strofat e saj:

Je thellë në zemrën time

si lumi

pa shtratin e vet

 

Je në këngët e mia

në buzëqeshjet

në lotët

që djegin

e përvëlojnë.

 

Në çdo ditë

që kob ndjellë

në çdo dhimbje

që plagë shkakton.

 

Edhe në këto poezi, autorja del se është e frymëzuar, transparenet dhe e shkathët për të thurur vargun poetik. Këto vargje, të bëjn, që edhe gjatë leximit duhet ta artikulosh zërin në përshtatje, duke e nxjerrur një tingull të butë dhe me dhembshuri. Pra, poezia e autorës, nxjerr në pah edhe butësinë poetike popullore, që shumë herë shndërrohen në elemente kryesore duke e bërë poezinë shumë tërheqëse dhe bresëlënëse.

Përkundër kësaj, poezia e autorës së tri librave me poezi znj. Drita Nikoliqi Binaj, janë poezi të kushtuara me imagjinatë nacionale. Kemi poezi që dëshmojnë gjendjen e rënduar kombëtare. Gjendje e thellë dhe e plagosur rëndë me praninë anmiqsore të okupatorit në përmasa që kalojnë çdo kufi të përmasave njerëzore apo reale. Kjo vjen si shkas i atdhedashurisë së autorës, e cila po ashtu në shpirtin e saj ngjallë dashurinë për vendin e lindjes duke jetuar në mërgim, në veçanti për Nënën, Babanë, jetën, gjuhën të gjitha shqip, edhe vdekjen shqip e don.

 

drita 3

 

Sa për ilustrim të citonim poezinë e titulluar: „JETO DHE VDIS SHQIP“ që ndodhet në librin: “FLATRAT E DHIMBJES“, citojmë:

…………………………

Nënë

Atdheut i fale bijën tënde që të do

Shqip më pagëzove.

Dritë.

Si bekim të babait tim

Mbështjellë me flamurin kuq e zi.

……………………………

„Duhet të jetosh!!!

Jeto dhe vdis shqip!!!“

Se të parët e mi këtu i kam denbabaden

Jam shqiponjë që fluturoj në male.

Shqipëri jam.

 

Poetja, krijon idenë dhe na bën të besojmë se në shpirtin e saj të brymosur me gjak shqiptari, nuk i pëlqen poezia e një natyre, pa shkruar poezi që prekun ndjenjën kombëtare. Si duket poetja, kur shkruan poezi të kësaj natyre, shfrynë mallin e atdheut, prindit, shokut, vendit të lindjes dhe mbarë trojeve etnike shqiptare.

 

Krijimtaria e poetës Drita Nikoliqi Binaj, ka një strukturim në vete shumë stabil, harmonizon për mrekulli përjetimet me poezinë, që karakterizojnë  poezinë bashkohore. Gjatë thyerjes në poezi, nga strofa në strofë, përdor idenë e arsyeshme. Ka raste kur përdorë rimën. Krahasa kësaj, autorja Drita, shifet s aka die të qarta ideore të të krijuarit, din se si të thurë vargun dhe din të fillon dhe ta mbaronm me një mjeshtri të shkëlqyer. Të gjitha këto krijime të saj, bartin mesazhe poetike dhe reflektojn te secili lexues.

PREDAVAČ SA INTERNACIONALNOG UNIVERZITETA TRAVNIK OBJAVIO KNJIGU POLITIKOLOŠKIH I SOCIOLOŠKIH ESEJA U SJEDINJENIM AMERIČKIM DRŽAVAMA

PREDAVAČ SA INTERNACIONALNOG UNIVERZITETA TRAVNIK OBJAVIO KNJIGU POLITIKOLOŠKIH I SOCIOLOŠKIH ESEJA U SJEDINJENIM AMERIČKIM DRŽAVAMA     Mr.sc. Sabahudin Hadžialić, doktorand IUT-a i Viši asistent našeg Univerziteta je u Sjedinjenim Američkim Državama tokom novembra mjeseca 2014.g. objavio knjigu stručnih politikoloških … Continue reading

Tendenca të stilit modern në tregimet e Erjon Muçës ( Shënime kritike për vëllimin me tregime “Çanta e mistershme” të shkrimtarit Erjon Muça ) / Nga Fatmir Minguli

  Tendenca të stilit modern në tregimet e Erjon Muçës (Shënime kritike për vëllimin me tregime “Çanta e mistershme” të shkrimtarit Erjon Muça)       Nga Fatmir Minguli     “Fol mirë për atë që mungon sa herë të … Continue reading

Romani “Iluzion optik” i (Hamdi ) Erjon Muça është libri tjetër i botuar këtë javë nga Shtëpia Botuese “ADA”

  Romani “Iluzion optik” i (Hamdi ) Erjon Muça është libri tjetër i botuar këtë javë nga Shtëpia Botuese “ADA” Redaktor: Fatmir Minguli Recensent: Petraq Bubari Kopertina: Bledar Muca Numri i faqeve: 248 ISBN: 978-9928-193-35-3 Çmimi: 800 leke     … Continue reading

HYRI NË SHTYP DHE PRITET TË DALË SË SHPEJTI NGA SHTYPSHKRONJA E SHTËPISË BOTUESE “VLLAMASI”, LIBRI “ËNDRRA VRASTARE “ ME POEZI TE ZGJEDHURA TË POETESHËS FIERAKE DONIKA HAMITAJ, ME REDAKTIM DHE KOPERTINË TË SHKRIMTARIT VULLNET MATO. / FORMIMI I YLLIT TË NJË POETESHE

HYRI NË SHTYP DHE PRITET TË DALË SË SHPEJTI NGA SHTYPSHKRONJA E SHTËPISË BOTUESE “VLLAMASI”, LIBRI “ËNDRRA VRASTARE “ ME POEZI TE ZGJEDHURA TË POETESHËS FIERAKE DONIKA HAMITAJ, ME REDAKTIM DHE KOPERTINË TË SHKRIMTARIT VULLNET MATO.   FORMIMI I YLLIT … Continue reading

Nderim, pas ndarjes nga jeta: ROZI THEOHARI, “NJË KRENARI PËR SHQIPËRINË DHE SHQIPTARËT, KUDO QË JANË”… / Prof. Murat Gecaj

Nderim, pas ndarjes nga jeta: ROZI THEOHARI, “NJË KRENARI PËR SHQIPËRINË DHE SHQIPTARËT, KUDO QË JANË”…   Nga Prof. Murat Gecaj       Para pakë ditëve, kur përmes Internetit u dha lajmi, se kolegia e mikja jonë e dashur … Continue reading

KUR NDRROHEN STINËT ZOGJTË SHTEGTARË NISIN E KTHEHEN ( “Valsi i vdekjes“ nga Festim Liti poezi, tregime, publicistikë, Larisa-Tiranë 2014 ) / Nga Vllasova MUSTA

  KUR NDRROHEN STINËT ZOGJTË SHTEGTARË NISIN E KTHEHEN   “Valsi i vdekjes“ nga Festim Liti poezi, tregime, publicistikë, Larisa-Tiranë 2014     Nga Vllasova MUSTA   Sa herë që marr në duar një libër të ri, kam një përjetim … Continue reading