NUK SHKOJ KURRË MA NË MITINGJET E TYNE / Poezi nga ELIDA Bucpapaj

 

 

 

Elida Bucpapaj

Poezi nga  ELIDA Bucpapaj

 

 

 

NUK SHKOJ KURRË MA NË MITINGJET E TYNE

 

nuk do të shkoj kurrë ma në mitingjet e tyne

të dëgjoj si do të na rrejnë

ca rrejtarë

të dalë boje

që rrojnë aq lluksshëm

tuj i shitë rrenat e tyne

se gjejnë budallë

si puna jonë

 

që për 22 vjet nuk lamë miting

shkuam e stërshkum në mitingjet e tyne

tuj hangër e tuj pi

rrena

tuj i ba keq stomakut

e trunit

 

se rrenat e tyne

që nuk i hanë as qentë

i shesin si të jenë

mall bio

pa konservues dhe ngjyrues

sepse gjejnë

prapë e prapë

budallë si na

 

a i dëgjoni si ulërojnë

Zot i madh

runa prej tyne

mbyllini veshët me dyll

si veproi Ulisi

sepse janë

ma të rrezikshëm

se Sirenat

ato knonin magjishëm

kta knojnë si gozhdat

që gërvishtin murin

ta çajnë tipanin e veshit

nuk ka gja

më të stonushme

si ata

antimuzikë

antiharmoni

sepse

nuk e njohin zanin tjetër

sepse kështu krijohet

rezonanca

ata nuk njohin askënd

veç zanin e tyne

të çjerrshëm

tuj tjerr fjalë rrejshëm

unë nuk kam me shku

kurrë ma

në mitingjet e tyne

ku rrenën e ngritën

në piedestal

dhe piedestalët

i lanë pa krena

 

unë nuk kam me shku

kurrë ma

në mitingjet e tyne

sepse e kthyn

gjuhën shqipe

në gjuhë rrenash

e nuk ka dhimtë ma të madhe

me dëgju në gjuhën e nanës

se si po ta ngopin

barkun e trunin me rrena

 

nuk do të shkoj ma në mitingjet e tyne

tuj e pa veten si delja Dolli

tuj t’i ofru rrenat

pa doreza krejt

tuj të than troç hape

gojën

se po të hedh si në kosh plehnash

rrena

tuj të thanë troç

« jena tuj ta shpla trunin me rrena»

ashtu turpshëm

tuj e sakatos gjuhën e bukur shqipe

tuj i llabuçit nëpër gojë

fjalët e gjuhës shqipe

tuj t’i ofru rrenat

krejt të zhveshuna

lakuriqe ose zhele-zhele

krejt pa ambalazh

qyqanisht

tuj të konsideru si bagëti

e tufëzash kooperativash

 

nuk shkoj ma në mitingjet e tyne

rrenat e tyne ma nuk i ha

prej 22 marsit 1992

jam çlirue prej vargojve të rrenave

 

edhe durimi e ka sensin e masës

 

e kta rrenat e tyne

t’i hajn për veten e tyne

sa herë të dojn

në drekat e tyne të pasura

me proteina rrenash

me karbohidrate rrenash

me 100 përqind rrena

pa organe, pa zorrë, pa zemër,

pa shpirt, vetëm rrena

edhe pjata e parë

rrena

edhe pjata e dytë rrena

edhe dezerti rrena

edhe në vend të verës

franceze

pini rrenat e juaja

sepse

 

ky asht malli i juaj

 

ndërsa unë

nuk shkoj ma në mitingjet e tyne

do të qëndroj sa ma

larg shesheve të mbushur

me smogun e rrenës

që në vend të ajrit të pastër

të bëjnë të frymëmarrësh

helmin e idhtë të rrenës

që ta shkurton jetën

nuk shkoj kurrë ma në mitingjet e tyne

do të rri sa ma larg tyne…

e çlirume prej rrenës

e të jetosh e çlirume prej rrenës

do të thotë ta ndish

 

shijen e vërtetë të lirisë…

 

 

(Nga libri i Elida Buçpapaj “Anticirland”, Onufri,2014)-(marrë nga VOAL)

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s