Poezi nga Agron Shele

 

 

Shën Valentini

( Motiv persian)

 

 

Dikur, një shenjt i heshtur zgjohej

në të largëtën kohë, shkreti

të ndizte yjet nëpër terre

të ndriste qiejt lumturi.

“Një fshehtësi, sa fshehtësia”

përndriste shpirtrat flakadanë

atje, nën lisin e gjymtuar

ku ëndrrat tereshin në mëkat.

 

Kurorëzuar jashtë altaresh

vraponin ëngjëjt në harbim

si në të fundit jetë amshim

të shuanin etjen, çmendurisht.

Pastaj një ditë, si në mallkim,

kryqëtarët e jetës, pa mëshirë

burgosën trupin, ligështuar

dhe falën shpirtin, përjetësi.

 

“Një fshehtësi, sa fshehtësia – Lasgushiane”