Daily Archives: May 9, 2016

YLLI (ЗВЕЗДА) – Poezi nga Evgenij BARATYNSKIJ / Shqipëroi: Maksim Rakipaj

Posted on by

0

 

Poezi nga Evgenij BARATYNSKIJ

 

 

YLLI (ЗВЕЗДА)

 

Vështro yjet, atje lart
Në këtë qetësi natën
Flakërijnë, hënës përqark
Në këtë qiell të kaltër.

Pa shih: veç nga të tjerët
Njëri ngjan krejt i veçantë!
Përse vallë? Del më herët,
A pse flakërin më qartë?

Aspak! Në të ngushëllohen
Të dashurit që janë larg
Dhe syt’e tyre takohen
Tek ai yll, atje lart.

E sheh në qiell të digjet,
Të sheh dhe ai, mendueshëm
Vështrimit tënd i përgjigjet
Dhe sërish digjet, gëzueshëm.

Netëve në blu të thellë
S’ja ndajmë sytë asnjë çast,
E ndjekim nga toka në qiell
I bëjmë shoqëri plot gaz.

E zgjodhe yllin që pëlqen?
Në këtë qetësi natën
Mes të tjerësh ndrin e shkëlqen
Në këtë qiell të kaltër.

Të parit yll mos i beso
Dhe, mos ki ngut në dashuri,
Nuk ndritin të gjithë njësoj
Dhe s’kanë thirrjen e atij.

Ti thirr yllin tënd që digjet
Që si ti vështron, mendueshëm
Vështrimit tënd i përgjigjet
Dhe sërish digjet, gëzueshëm.

 

© shqipëroi Maksim Rakipaj

 

 

Maks Rakipaj

Shqipëroi: Maksim Rakipaj

 

Poezi nga Enertin Dheskali

Posted on by

0

Poezi nga Enertin Dheskali     Koha veson harresë   Koha ka filluar të vesojë harrim Mbi shpirtrat tanë endacakë, Lotojnë pemët buzërrugëve, Pluhurin e mëkateve që vitet Na e lanë gabimisht në prehër. Koha ka filluar të vesojë harrim … Continue reading →

Poezi nga Bilall Maliqi

Posted on by

0

bilall

Poezi nga Bilall Maliqi

 

 

DITËS SË RE

 

Edhe ditës së re
Ia fale një buzëqeshje

Gjithçka u dritësua

Loti i rrjedhur
E ndali edhe shiun imëtak

Pastaj shtatë ngjyrat e ylberit
U shkrinë në sytë e tu

Sot barkut të ditës së re
Kudo i fale sall dashuri…

 

 

MOS E FSHEH NDJENJËN

 

Mos e fsheh ndjenjën palëve të shpirtit
Falma atë copë shprese në zemër të guruar

Dil para meje si një engjëll i bardhë
Me buzëqeshjen tënde të ëmbël e të praruar

Braktisjen hudhe në gropën e humbëtirës
Mos rri para meje si shpirt me brendi të trazuar

Shkriju në sytë e mi të etur sall për një shikim
(Ç)lirohu nga prangat e kohës së nëmur e të trishtuar

Më rrëmbe të tërin brenda krahëve të tu të lodhur
Që të shpërthej brenda trupit tonë një gëzimi i gufuar.

 

 

ORËVE TË LIGA

 

Gjëmë e nëmë
Nëpër fytyrë të ditëve të murme

Shteg më shteg
Gërvishet e përbirohet malli

Loti si shiu
Plas mbi gurët e dhembjes

E orëve të liga…

Hijet stërpikin kudo magji
E mallkojnë çdo dashuri.

 

 

VEÇ PESË MINUTA

 

Veç pesë minuta shtriju shikimit tim
Qëndromë para sysh
Deri në sekondat e minutit të fundit

Brenda vetes mos e fsheh buzëqeshjen
As sytë e tu mos i mbyll
Lëre tani ndjesinë e kujtesës së thinjur

Lërmë që të dëfrehem para tëndes bukuri
E të shkrihem trupit tënd të lumnuar

Falma vetëm një çast sa t’i dëgjoj ofshamat
Psherëtimat tuaja të nxehura
Dhe t’i ngjitem (për)jetësisht përqafimit tënd.

 

 

NDJENJË

 

Në mua pushon
Ndjenjë e varrosur

Mall I shkrirë
Rremave të shpirtit

Në mua pushon
Një melodi
E dashurisë së këputur

Një dëshirë e shkrirë
Në(për) ëndrra përrallore.

 

 

Poems by Kuldeep Srivastava

Posted on by

0

  Poems by Kuldeep  Srivastava   Kuldep  Srivastava  in an Indian Audit & Accounts Service Officer of 1983 batch and currently posted as Principal Accountant General, Kerala. He is a poet and reviewer with three poetry collections-Ineluctable Stillness (2005), An Armless … Continue reading →

Poezi nga Sinan Sadiku

Posted on by

0

Poezi nga Sinan Sadiku     TREVARGËSHA   1.   Kjo rrugë e gjatë hijet nëpër hije mëngjesi i përgjumur.   2.   Rrufeja i goditi lisat vishkujt heshtën e gjethet fluturuan.   3.   Heshtja fishkëllen fjala belbëzon klith … Continue reading →