Poesie di Vella Arena

  Poesie di Vella Arena     Bellissima…   Un soffio di eterno il tuo respiro… Bellissima.. Mi dicevi,bellissima. L’anima ,del color della neve baciava la tua… labbra alle labbra ripetevi,bellissima . E anche bellissima quando al chiarore del sole … Continue reading

Poezi nga Drita Lushi

Poezi nga Drita Lushi     Gjendje   Përballë , ti gjerb kafenë në të rrallë E tretesh në mendime, Nje bote – larg meje… Përballë, e qetë si (vetëm)unë, Surb lehtë çajin e ftohtë, Larg qiellit tënd, prej reje… … Continue reading

Poezi nga Emi Krosi

Emil Krosi 1

Poezi nga Emi Krosi

 

 

INTERVAL I DHIMSHËM

 

Eh,

jam gjethe e hedhur,

në një qoshk,

zhele e lënë rrugës,

(qenia ime e ulët),

shihet si vetevetja para jetës.

Interval i shimbshëm,

kam kënaqur elozhin e vetes….

 

 

 

MAKSIMA….

 

Orakulli hodhi sfinksin,

në zjarr,

rruga e ngushtë e hënës,

u rrëzua në muzgun e kotësisë…

Sublim HIÇI.

HYJNORJA,

u thye në lëndë hipotetike…

 

 

 

KULLA…

 

Nën petka të reja,

torba e vjetër,

me kujtime,

nën grimca lotësh,

epitafe gëzimesh,

eshtra të shtypura dhimbjesh, në mugëtira netësh,

ditari shpupuris,

puplat e moshës,

me thonj bari,

me pelena të lëngëta stinësh,

(oktapode e viteve strukur),

nën hijearrën e grisur nga mola.

KULLA,

kremtim i LISIT,

të gjakut tim KROSI…

 

 

 

BUJTËSJA E VONË NË TETOVË…

 

Diku, atje në tokën e madhe Dardane,

endacake e heshtur,

isha bujtëse e vonuara…

Çudi,

e njëjtë gjuha ime,

tingëllonte ndryshe,

në një hotel të madh,

ndodhesha e vetmuar.

Në një krevat të madh,

në tokën e huaj

(dhe pse është kurrizii i zgjatur i atdheut tim),

lakuriqësia ime,

mes çarçafëve “përvëloj” në vetmi.

Kisha nevojë,

për ty,

DASHURI.

Për prekjen tënde.

Për krahët e tua.

Në netët shkupjane,

dhe ato tetovare ,

se di pse u ndieva e huaj.

Në kafe një lot m’ u këput

dhe u kripos mbi filxhan.

Asgjë s’ më mungonte,

vetëm puthja e djalit shkupian,

që më mbeti e paformësuar mbi buzë…

 

 

 

* * *

 

Asht,

mbi asht,

palë-palë,

më shkallmon,

fryma jote,

e valë.

 

 

 

SOT…

 

Përkora jote,

më mungon,

si petal lëngëprush.

Tek ti,

me mungon gjithçka.

Sot,

edhe vetë mungesa,

më mungon.

 

 

Poezi nga Anastasia Çipi

 

anastasia cipi

Poezi nga Anastasia Çipi

 

 

Blu Saks , Blu xhin.

Kur të gjithë dehen…

 

Mbështolli vellon e bardhë,

si një copë leckë, nga koha e grirë

U drodh trupi , mardhë, ngrirë

Lakuriq, e dehur

E gjithë, e ngrirë

Me fytyrë zbehur, vdekur

 

Hodhi përtej kurorën, rrathë , rrathë

Gjerdani i kuq, keq e mbyste në qafë

( e ” unin” që fillojë të bërtasë).

Hodhi memecëri, krenari

Veshi çarçafin blu- saks, xhin

( ku shkruante të dua, natën e mirë)

e u shtri të puthë shpirt.

 

Natës së errët u ngrit

Të shikojë, në pasqyrën e vjetër, të zverdhur,

Aspak nuk u çudit

Tek shihte veten të dehur.

 

Dy krahë të bardhë dhe një deshirë

Dy fjalë shkruar në nxitim

Të dua , natën e mirë

Dhe një pasqyrë që puth në mallim.

 

As fjalët në shpirt,

Pasqyrë,

Çarçaf e jastëk,

Nuk i fshiu

puthi dashurinë , me eks…

Jetën që ndriu

Të dua natën e mirë…pa eks…

dhe dy poezi te tjera

 

 

 

HESHTJE

 

Heshtje në këtë natë,

Të ngrysur

Që tretet ngadalë,

Ku asgjë përreth nuk pipëtin

Po shuhen dhe flakët e fundit,

E shpirti regëtin.

 

Më vijnë si mike të largëta

Kujtimet e mia

Të stolisura me kurora

Të kuqërremta në krye,

Të dehura nga dashuria.

 

Ndonjëherë s’më duan,

Keq më ngatërrojnë

E më bëhen fjalë,

Me trëndafila rozë në dorë,

që më trazojnë.

 

Dhe unë, sonte,

Tek ti dua të vij

Të ndez një dritë,

Sa një dritë qiriu të bardhë

Të shoh se si dridhet flaka,

Që shpirt njeriu e ndrit

Derisa të çelë ditë,

Të ikë dhe vegim

Bashkë me miket e mia,

Dhe ti o shpirti im…!

 

 

Kush

 

Kush kalorës( ipoti) kush?

Kush luan sonte me mua?

Më thoni kush?

Më thoni kush zemrën time më mbush?

Cilët janë emrat e këtyre qenieve magjike engjëj?

Çfarë ndjenjash janë këto që lindën në zemrën time

Kush engjëj ju ngjizen ? Nga ku zota ku?

Më thoni?

Më thoni ta di?

Si erdhe dhe vure zjarr në gjoksin tim pa më djegur

Si çelën krahë në kraharor pa dhimbje

Kush je? Nga planet magjik më ndjell (vjen)

Si i bëhet që sytë e tu më japin siguri? Prezenca jote pasion?

Si i bëhet që prekja jote të djegë çdo frikë timen, çdo ku dhe pse? Kush je? Nga planet magjik vjen?

Më thuaj?

Më thuaj ta di???