Poezi nga Elda E. Dilo

Pranvera

Gonxhet e luleve erëmira puthin tokën

Drita e hënës ëmbëlsuar me mjaltë

përzihet brenda çdo pike hyjnore

Deti i dashurisë mbushet me rreze drite

Çdo degë e pemës fillon të vallëzojë

Qielli është i qeshur e plotë ngjyra

Gishtat luajnë në flautin hyjnor

Shirat e dashurisë lehtë janë përhapur

Edhe hëna na bekon

Në këtë bekim të pavdekshëm.