Poezi nga Jakovos Kabanelis

***

Kundërshtoj, kundërshtoj, kundërshtoj

tjetërkush ndër duar të mbajë litarë

kundërshtoj të më bëni ç’të doni

kundërshtoj të mbytem mjegullimesh i vrarë.

Kundërshtoj, kundërshtoj, kundërshtoj

të jesh ti… dhe unë thjeshtë viktimë

tek fatet e mia nëpërkëmb, komandon

në të begatën tokën time… ujin tim!

Kundërshtoj, kundërshtoj, kundërshtoj

ta shoh gjithë jetën, të mbyllur rrugën time

kundërshtoj të kem ide, që heshtojnë

të pres motet të sjellin, të bukurat agime!

Shqipëroi: Vasil Çuklla