Poezi nga Ollga Selmani

Ollga Selmani

Poezi nga Ollga Selmani

 

 

Më vonë

 

Më vonë, do të shkruaj, për këtë,

kur, të ketë humbur, pak dhimbja,

kur, të kem arësye, për të derdhur,

vullnetet e ndrydhura, ndër rima .

 

Kur, të jetë qetësuar, ky det,

do të shkruaj, për retë e nxira,

për fundin e detit që pashë,

për rënie, galaktikash .

 

Tani, le të qetësohem, pak.

Një i sapo shpëtuar nga mbytja, s’bën dot rima .

I gëzohet ajërit në breg

dhe frymës, ndër qeliza .

 

 

 

Ne

 

Ne flasim pak për vete .

Bisedat, kanë shumë retiçensa .

Të folurat  janë të shkurtëra .

Më e gjatë është heshtja .

 

Ne, nuk na duhen shumë fjalë .

Shpesh, i lëmë gjysëm, bisedat,

si udhëtarët në stacionin e trenit,

ku fëshëllima e tij,  ndal trenat .

 

Pastaj, ne shihemi prapë,

pa hatërmbetje, pa pengesa.

E ruajmë njeri tjetërin fort,

në memorje  të qeta .

 

 

 

Më duket

 

Filloj të qesh, po aty kujtohem,

se qeshja, nuk më shkon me qiellin,

se jashtë fryn e bubullon

dhe fare, hiç nuk duket dielli .

 

Ti s’je dhe qeshja përgjysmohet .

Kjo ndodh krejtë në pavetëdijë .

Më duket, sikur të mohoj,

kur qesh dhe ti nuk je aty .

 

 

 

Ti venitesh

 

Ti venitesh, si kjo pasdite vere,

ca nga të nxehtit, ca nga monotonia .

Kishim lindur ndër planete të ndryshëm

dhe u takuam, nga domosdoshmëria .

 

Jo rastësisht, rronim si vetmi planetesh .

Ne e dinim se planetet, nuk takohen, asnjë ditë .

Ata rreth rrotullohen, rreth njeri tjetërit

dhe japin e marin, pak dritë .

 

Dhe ndodhi, si në përplasje planetesh .

U shkatërruan lëvizjet, të gjitha .

Ti venitesh, atyre anëve .

Unë, as mar, as jap dritë, errësirash .

 

 

 

Pse s’më the

 

Ju rrëzuan ca anë, qiellit të mbasdites .

Mbi det, pasqyrimet, vijnë keq .

S’është më qielli ashtu siç ishte

dhe pasyrimi shtrembër  del .

 

Nga rrëzimet kanë humbur shkëlqimet .

E zbehtë drita më vjen .

Jo për rrumbullakësinë,

jo për anët  që s’i ke,

 

jo për pjesët që tu hoqën,

jo për çbërjet që i ke,

jo për plagët që i more,

po për dhimbjet, pse s’më the ?!

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s