PIKA VESE NË FUNDJAVË / Cikël poetik nga Fatbardha Xhani Myslimaj

 

13627135_1346523665376186_2848272387447963758_n

Cikël poetik nga Fatbardha Xhani Myslimaj

 

 –PIKA VESE NË FUNDJAVË

 

 

HUMBËSE

 

Ti je poete

më tha gjethja

duke lodruar me erën.

Jam trung i ashpër, i thashë

luftoj me shiun dhe stuhinë…

 

Ti je e bukur

më tha lulja

e më dehu me aromë

Jam zemra jote

mbushur me farëra,  i thashë

Jetën vazhdoj në çdo frut të lidhur

nga shpirti shkëputur!

 

Je fitimtare

më tha mëngjesi i vesuar

mbi pemë e pupla zogjsh.

Jam humbëse i thashë

Jetoj me frymën e dashurisë,

dhe përfytyroj

vdekjen e ëmbël…

 

 

 

E SHEH

 

E sheh

po rrëzohen copa yjesh mbi gjethe

dhe ti që thoje yjet janë larg

zgjati duart

me prekje

frymë marrin zemërimet…

E sheh

hëna rrëzoi najlonin hije

mbi liqene malli

ti mund të prekësh hënën sonte!

 

 

 

NDEZA

 

Ndeza qirinj për dëshirat

për njerëzit e dashur, ndeza qirinj

për fitoret,

për humbjet gjithashtu

Ndeza qirinj për miqtë

e në fund

për armiqtë,  ndeza qirinj…

 

 

 

***

 

Ne iknim

dashuria na ndiqte si fëmijë i trishtë

dorën e vogël shtrinte në besim…

Me të njëjtin zë, i thamë:

shpirti im!

 

 

 

E FILLOVA ME TY

 

E fillova me ty

nuk dita e ende nuk di

mendimet lindin e çelen si gonxhe rozë

Dëshirat si palma të gjelbra

përkunden, e veshët  fëshfërijnë

Afroje pak kokën

diçka të çuditshme do të të them!

E fillova me ty

Mendimet e tua nga lindin?

Të miat janë vazhdimi…

 

 

 

ËMBËL

 

Ka një mënyrë për të ardhur ëmbël:

ajo është lindja e lotit!

Ka një mënyrë për të ikur ëmbël:

ajo është, vdekja e lotit!…..

 

 

 

E DIEL…

 

Sa e nxehtë kjo e dielë

plot buria dasmorësh

e krela të stolisura

me fjongo të bardha

buzëqeshje nusesh shqiptare…

Sa e bardhë kjo e diel

plot dritë!!

 

 

 

NËSE

 

Nëse nuk ndjen mall

dhembje mungese nën lekurë

ti je ëndërr…

Nëse je ëndërr

me një pistil të ajërt

ti mbars pranverën

me qiell…

 

 

 

***

 

Ti më dridhesh si beb

në duart e brishtë të ëndrrës

Unë shtigjeve të thepisura të pamundësisë

çirrem, bërtas.

Nuk më mjafton zemra të të dua…

Kam nevojë të humbas shpirt,

kam nevoje të të humbas!

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s