Poezi nga Josif Gegprifti

 

Josif Gegprifti

Poezi nga Josif Gegprifti

 

 

Ajo ndjesi është edhe sot

 

Ti ishe një lule erëkëndshme,
Që tundove dhe emocionove këtë zemër.
Ishe dhe ke mbetur
Pamja më e bukur për sytë e mi.
Në mbretërinë
E natyrës së shpirtit tënd,
Unë vi gjithë gëzim.
Natën,
Dikur,
Mbaja vesh nga ballkoni
Të dëgjoja zërin tënd,
Vetëm zërin, sepse,
Çdo gjë tjetër
E kishte përpirë errësira.

Ndjesinë
që më gjallonte atëhere në shpirt
E ndjej edhe sot.
Ajo është mes nesh.

 

 

 

Mendimet më treten në kaltërsi.

 

Mbi këtë gjol,
Në këtë qiell të kaltëruar,
Sillen vërdallë sgalemat
E plot zogj të tjerë të gëzuar.
Këtu,
Në këtë vend ku kam lerë,
Me mall të madh vi shpesh here.
Këtu,
Gjithnjë është e dashur
Natyra për mua,
Kjo qetësi,kjo freski.

Mendimet më treten në kaltërsi.

 

 

 

Dashuria shëtiste mbretëreshë.

 

Atë natë
dashuria shëtiste
nëpër arteriet e trupave tona.

Edhe pse
nata u vrejt,
një diell akoma më rezefort,
një agim më i artë,
zbardhi lehtë e ngrohtë.

E bukur ishte
mes nesh
pagjumësia e asaj nate,
ku dashuria shëtiste mbretëreshë.

 

 

 

***

 

Do dëgjosh një ditë për mua,
Se i dehur eci nëpër rrugë,
Të trishtohesh, aspak nuk dua,
Dashuro një tjetër më shumë.

Kur në kopësht të celi trëndafili,
Dhe bari të rritet në fushë,
Atje me hapin e pleqërisë,
Trëndafilat për ty do t’i këpus.

 

 

 

Dashuria një rrëfenjë.

 

Mos vallë isha një i marrë,
Që pa bekimin e perëndisë,
Me vrull rinor e plot zjarr,
Zmadhova ndjenjën e dashurisë?

Në mos ishte e magjishme ajo ndjenjë,
Pse vitet vallë nuk e shuan,
Pse e kthyen atë në rrëfenjë,
Në poezi e në vargje e shkruan.

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s