Mirësia e gruas te fëmijët,
diell në jetë…
Ëndrrat qiejve të shpirtit, ag…
burojnë, gjithë dritë.
Hyjnë e ndrijnë pjekurisë së mbesave,
rreze ngrihen gjer mbi re,
fishekzare zbresin, si fustan gjigand nusërie
me emlema Ilire,
bardhësi e shpresë, për ne…

Larë në furtuna studimesh
në jetë të ruajnë freskinë.
Ëndrrat,shpresat vaditur djersë
çdo ditë,çdo orë…
Mes tyre,
rriten , lulëzojnë dhe degë dafine,
për gjuhën, amanetin, bashkimin e kombit,
Kurorë…

O trëndafilat e bardhë…
O shtrat i jetës sime…
Pëllumba në kaltërsi
Konxhe gjithë dritë dhe shkëlqim Mesdheu…
Buqeta me aroma të afërmish, miqsh,
heronjsh, kohësh…
Kujtimi të dhimbjes…
Malli…
Atdheu…!