Poezi nga Demush Mehmeti Dema

 

 

NDIHEM I ZBRAZËT

 

Sado që flas pa pushuar

Me grumbuj fjalësh të renditura në varg

Prapë ndihem i munguar e i zbrazët

Për një fjalë zemre që mungon

Fjalë e shumë dëshiruar

Madheshtinë e shpirtit dua ta përshkruaj

Me gjithë dashurinë e bekuar

Dhe më të madhërishmen, ditën e gëzueme

Vjen e shëndritshëm errësirën çan

Sado të jetë e vapullueshme dhe e vranët

Vjen frymë e re, shpresë të pashueme e kam

 

 

PO IKI

 

Dhe një verë po ikën

Ditët e mbetura po i numëron

Sa do e mirë të ishte

Rruga mbarë i qoftë,  le të shkojë

Pafundësia hapin pren

Dhe ecjen e kohës ndal

Do humbë arsyeja,  kuptim s’ka !

 

 

DASHURI E PA KUFI

 

I kam bërë gjoja do vite,

sikur kam fillu të zhburnohem

Të bëhem burrë i lig e i keq

Ma s’ po e kontrolloj lotin

Jo as hidhrimin tim

S’ di pse më ndodh kështu

I tillë s’ kam qenë kurrë

Po të rrotullohej toka s’ më dilte loti

Si do që më qunin të tjerët

Në veten time ndihesha burrë

E di loti nuk është ligësi

Jo, as nuk ishte kurrë

Dhe kur nuk e nxjerrim jashtë

E strukim thellë në brendi

Është mëshirë në zemër njeriu

Melhem dhimbje, rrjedhë për dashuri

 

 

DHE NË HESHTJE

 

Po ta thashë se të dua

Mos më merr për të krisur krejt të marrë

Mendje e dalur fillit fytyrë e përdalë

Ti më quaj ashtu si të duash

Nuk merakosem kokën nuk do e çaj

Do më dhimbset frymë e harxhuar

Kur të dua dhe në heshtje, krejt pa fjalë

 

 

FAJTOR JANË ATA

 

Për çdo ditë

Sa e jubileu festohen në Kosovën tonë

Ngjarjet e kaluara shënohen

Plagët i numërojmë

Gjithë pa dallim

Kerkosemi lavdërohemi me fjalët pa karar

E liga sotme themi zgjidhje s’ ka

Veten e quajmë të pafajshme

Të pagabueshme

Si përherë gabojnë dhe fajtorë janë ata!

 

 

TË NA PRINI

 

Flini o ju të pafjeturit e natës

që pjellë e fantazmës së ligë pa gjumë lënë ju ka

Flini ju flini, por gjumë këtij si thonë

Zgjohuni ju ëndrruesit e ëndrrës së bukur

Mbi shpatullat tuaja të hidhni barrë

Zgjohuni të na prini më tuajën dritë ndriçuese

Gjithë bashkë të ecim rrugës së mirë e t’ mbarë!