Poezi nga Skënder Lazaj

VJESHTË

Ca mendime bien si pika shiu

në liqer të shpirtit krijojnë oaze

syrit veç imazhi yt më mbiu

dhe ca lot të shoqëruar me saze!

Ca kujtime bien si gjethe vjeshte

oazit të zemrës dergjen ato

papushim e shpojnë si maja heshte

ndaj në çdo regëtimë, rënkon ajo!

Disa çifte dashurohen, nën shi

disa derdhin lotët si shi vjeshtak

disa të tjerë jetojnë për dashuri

disa dashuri vdesin, pak nga pak!

Skënder Lazaj