TRUPAT – SKELETE ESHTRASH, KU JANË??? / Poezi nga Fatime Kulli

 

Poezi nga Fatime Kulli

 

 

14700902_10209188678827674_8439319966870567536_o

14517466_10209188687587893_5829039109878122185_n

TRUPAT – SKELETE ESHTRASH, KU JANË???

 

Atje, krejt në kufij me Greqinë,

në fshatin Qafë Botë

Engjëjt kanë lënë hijet

në kafaz prej mermeri,

vetëm me EMRA….!

Po trupat – skelete eshtrash, ku janë???

 

Fryma e tyre e mpiksur

me gjak në errësirën e përjetshme,

ku ende gjinkallat këndojnë përvajshëm

në sy të perëndisë, që s’i erdhi dot në ndihmë…..

 

Unë shkoj në çdo Qershor

e përkëdhel kafazin që qëndron stoik

para holokaustit (mortor) barbar…

….dhe fytyra më përplaset

me spërkatjen e gjakut të pafaj

afro një shekullor,

që në heshtje akuzon

barbarinë çnjerëzore

e kërkon drejtësi hyjnore….!

 

Atje, tej në Qafë Botë

dëgjoj tinguj zogjsh zëmekur….

të qara fëmijësh, ulërima grash e pleqsh….

Dëgjoj amanetin e gjyshes sime

në grahmat e fundit të frymës,

me ia fshi gjakun në pelena,

foshnjës së saj…!

 

…….

Kush jam unë?!

Një degëz ulliri,

një boçe trëndafili

me farë Çamërie.

Frymova në Epokën e zinxhirëve

u rrita në Epokën e dhimbjes, pa liri.

Sot jetoj në Epokën e hipokrizisë,

servilizmit, babëzisë e ligësisë,

me identitet varur në çengel të ndryshkur

të EPOKËS së përgjakshme,

gjenocidit e barbarizmave çnjerëzore.

Hijen e  gjakut frymë-ngrirë

ma kanë ngritur MONUMENT

atje, tej në Qafë Botë.

 

 

fatime 1

Fatime Kulli

Tetor, 2016

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s