Poezi nga Ramiz Kuqi

Poezi nga Ramiz Kuqi

 

TI
(Të gjithëve)

Merr nga vetja shpirtin e këngës
E mos thuaj kurrë se ke mbērri
Në majën e kullës
Atje fluturojnë të urtit e fjalës
Deshtakët grrithin shkronjat
Si tingujt e lodhur mbi kitarë !

21.4.2017

 

JETA

Është si lulja e bukur
Që e thejnë të gjitha erërat
E (s’) e mundin kurrë
Secili merr nga ajo
Një lugë me mjaltinë
A një leng helm
Në hapësirën e ndotur
Nga dora jonë !

21.4.2017

 

FJALË

Ti dashnore e heshtur e natës
Që më mbërthen në mesnatë
M’i ruaj sytë e zogjve të mi
Larg
Ku nata fle mbi shkronja gri
Mëngjeset vijnë me dallgë
E diell s’ka
As për trumcakë prilli
Më bart si pikat e shiut
Ta prek ylberin
Mbi pikturën pa ngjyrë
Fjalë…

21.4.2017

 

TI DALLËDYSHE

Jugu është i ftohtë për Ty
Dielli then rrezet në pasqyrë
Në fole kanë mbirë lule me gjemba
Krahlehta e fjalës mall për këngë
Te ajo shtëpizë e vjetër vjen
Me fluturim pranvere
Ti dallëndyshe
I sheh malet me borë
Njerëzit që bredhin udhëve
Me njëmijë ëndrra mbi supe
Në qiellin tënd të bukur
Janë ngatërruar degët
E mbi shpirtin e thyer të kohës
Ulërin nata e frikshme !

21.4.2017

 

LODHUR

Ec kjo kohë
Me kokën në strajcë
E bartin nëpër konferenca
Si një fëmijë bonjak
Që endet udhëve të harrimit
Lodhur
Janë sytë e turmës
Nëpër udhët e shpresës
Ta ndjejnë buzëqeshjen në buzë
Pranverën me lule në dorë
Zogjtë të zbresin fluturimthi
Mbi tokën e ëndrrave
Lodhur
Fjalët nëpër rreshta
Për një dashuri në vargje
Koha ime qepur në plagë !

20.4.2017

Shkrimtarët Shqiptaro -Amerikanë, dëshmues dhe trashëgimtarë të veprës së ndritur dhe erudiciont të Fan Nolit. / Nga: Raimonda Moisiu

Shkrimtarët Shqiptaro -Amerikanë, dëshmues dhe trashëgimtarë të veprës së ndritur dhe erudiciont të Fan Nolit.  Adnan Mehmeti: “Në rast se Noli ynë i madh dje i mblodhi shqiptarët rreth “Vatrës”, gazetës “Dielli” apo “Kombi” etj,- sot ne kemi Shoqatën e … Continue reading

PRILL (АПРЕЛЬ) – Bela AHMADULINA / Shqipëroi: Maksim Rakipaj

Poezi nga Bela AHMADULINA

 

PRILL (АПРЕЛЬ)

Ja vajzat, veç dashuri kërkojnë.
Ja djemtë, duan vetëm të bredhin.
Ndrron moti në prill, gjërat ndryshojnë
Njerëzit kërkojnë njëri tjetrin.

Porsi perandor ky muaj i ri,
Nga vetja do me qën’ më sqimatar,
Çdo fjalë ta thuash me bujari,
Çdo ditë falje ka në kalendar.

Po, çliro nga zinxhirët lumejtë,
Flake tej ç’të ndan prej dashurisë,
Pa menduar fal dritë dhe jetë
Dhe kjo të largon prej pleqërisë.

Vetëm unë s’e pata këtë fat.
Por edhe aq nuk ja kam lakminë.
Ti më pyet, unë përgjigje s’kam
Dhe dritën fik, rri në errësirë.

© shqipëroi Maksim Rakipaj

 

Maksim Rakipaj