Ales (Tim Biri) – Arjola Zadrima / Çmimi i parë – Edicioni i IX “FESTIVALI I POEZISË SË PABOTUME”

Poezi nga Arjola Zadrima 
 
 
Ales (Tim Biri)
 
(Çmimi i parë)
 
…bota s’njeh dashni, bir,
ajo asht veç një lamsh i vjetër
që ndjenjat braktis
në kishat baroke të një
lashtësie apostolike.
Njerëzit abuzojnë me forcën,
tue mendue se Ati i Gjithëpushtetshëm
ua ka lanë trashigim.
Lypsat shtohen ,
të vegjlit e tyne thithin të njëjtën sisë ,
të tamlit të huej.
Ata t’palamë, t’paveshun e ti i ke frikë.
Janë si na dritë.
Qejve prapë kanë me u gjujtë me shkelm,
mos u tramaks,
atij burrit sot nuk i ka ecë,
e inatin ja qet një qenit të gjorë .
S’di me ta shpjegu pse jeta nganjiherë asht e shkurtë.
Më fal.
Mbaje mend veç brenda krahëve të mi asht butë,
dimni aty s’mundet me hy, fryma asht e ngrohtë, jeta asht TI.
Mbylli sytë, krejt ngjyrat e ylberit merri,
shkrueji andrrat tueja
e banu lajmëtar i dashnisë ma të shenjtë që të kam msue,
asaj për njirin, e krejt çka të prek syni.
Kjo asht guxim…
Se bota asht meskine Ale,
kujtojnë se zemrat shiten,
e përqafimet blehen shtrenjtë a lirë.
Ata s’dinë sa amël të shtrengon nana në gji,
pa kurgja mbas shpirtit , veç dashni.
Pash frymën tande , mos u ban si ata.
 
 
Edicioni i IX “FESTIVALI I POEZISË SË PABOTUME”

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s