Ti je grua / Poemë nga Safet Hyseni

Poemë nga Safet Hyseni
 
 
Ti je grua
 
Jam vetëm nga askush s’dua të marr leje
Do ta hap zemrën të flas vetëm me ty
Do e ndal dhe hijen të mos arratiset pas teje
T’të përkëdhelim e të t’i puthim ato dy sy
Sonte jam ulë e bisedoj me ty
Të ndjej si grua të dua si hyjni
Ti futesh e mbetesh pikturë në sy
Shpirtin ta njoh dhe ti këtë e di
Je e etshme për jetë zemrën plot mall
Herë si grua të ndjej here si dashuri
Virtytin e ruan në shpirt ke shej në ballë
Kur i jep frymë vargut bëhesh poezi
E kur fjalës i jep tingull bëhesh këngë
Zanë mali dukesh kur derdh flokun
E shtron tryezën ti je nënë
Kur merr lapsin e ndrit botën
Se që futesh në çdo zemër si krua
Si erë mali shpirtin më gudulis
E vështirë është vetëm që je grua
Por, sa herë të shoh më arratis
***
Je e panënshtruar që ia shëron plagët zemrës
Ia di dhimbjen shpirtit
Mund të ishe edhe ndryshe e përlyer e vrarë
Po të mos ishe rebele e çartur
e kthjelltë e qëndrueshme
Ti nuk shikon tinëz si të vjedhin bukurin
Lakuriqësin me buzëqeshje ua thua në ballë
 
Edhe mëkatin se ruan
e gjuan me dy e tre të bukura fjalë
Ti grua e bukur që më qorton heshtur
pa zë ngadalë
Të përgjoj në thellësi të shpirtit
ty qenie e rrallë
E butë e brishtë fjalët si margaritar
Që botën e fut në zjarr
e sjellë vërdallë
 
Je vetvetja që sfidon
Në një pikë uji merr forcë jeton
Je e vërteta që dhemb
Ti ndërton kulla nuk shemb
Ke ngrit ura mbi çdo përrua
Je e bukur e këndshme
Je freski derdhë aromë
Por je grua
 
Ke dhe shumë beteja për të bërë
Dhe akuza për të dëgjuar
Kur s’munden me të marr
Me gur kanë për t’të gjuar
Se je grua
E gdhendur nga Perëndia
Me trup të praruar
Art i shkrirë në sy të qiellit
E buzëqeshur e qetë
Me gishtat si rrezet e diellit
Je ëmbël je jetë
 
Ti ishe
je dhe do të jesh
Në shenj të leshrave të kërleshur
Që të duan vetëm për të shfry epshet
Që kokën e kanë fut në lesh
Në emër të Zotit
Të mbulojnë me burka
Të duan robëreshë
Ti je grua
E shpirtit princeshë
 
Ti je Zanë
Që në shtatë kroje ke pirë ujë
Në shtatë bjeshkë ke kënduar
Në shtatë lumenj je freskua
Vajrat e detit trupin të kanë përshkua
Ti je jeta
Por je grua
 
Ti je ajo që ëndrrën e ushqen për ngadhënjim
Shtron tryezën me dëshirë e dashuri
Ti ia njeh zemrën atdheut
Edhe ngjyrën gurëve të kullave
Edhe shtratin maleve
Edhe lotin lumenjve
Je frymë të dua
Je grua
 
Fjalën e besën e vatrës e ke ruajt
Djepit edhe thatë i ke kënduar
Se je shpresa që rrjedh si krua
Je gjallëria je grua
 
Unë ndihem me faj
Se një ditë u fjalosa me Kullën
Që kur thash “s’do më gjesh në asnjë dhee
Se nuk bëra Atdhe”
Ti më buzëqeshe
Diç me the pa zë pa fjalë
Ku ishte tryeza me duart tua e shtruar
Ulu në Kuvend the
Akrepat e Orës të rrahin si zemra për Atdhe
Hape shpirtin veç për jetë
Bëri malet shtrat e në sy pikturë
Ulu dhe shpalos të vetmin flamur
Gur mbi gurë
Të bëjmë një mur
Që se shemb asnjë furtunë
“Besë e fe kemi një Atdhe”
Dhe një shtrat për mua dhe ty
Që qiellin me dritëyjesh të kemi çati
 
Ty që të lakmojnë për gjoksin e ngjeshur
Por syrin e zjarrtë
Për buzën e prushtë
Për belin unazë
Për vithet tunduese
Dhe të ngarkojnë me faje Perëndie
Ti je grua
Këngë e fjalë mirësie
 
Dhe çdo herë të thonë mos fol
shuaj
Duan vetëm të shfryen epshin
Ta xhelozojnë bukurin
Je art
Të duan robëreshë
Se je grua
Hijeshon natyrën
Zemër zjarr
Shpirtbardhë
Je e Kullës Princeshë
 
Ti që je hyjni por dhe grua
Unë ndryshe të dua
Sy për sy e buzë për buzë
Në një Kullë e në një Tryezë
Me një Fjalë e një Besë
Që gjurma zjarr Kullash të ndezë
Shenjtëri në votër të mbesë
 
Ty që bukurin ta fali Zoti
Natyra të mbushi me aromë
Dielli të veshi sytë me dritë
Hëna tu bë këmishë nate
Yjet gushën ta bënë për gjerdan
E gjinjtë të bardhë si bora e alpeve
Belin e hollë për unazë
Të do Ora
Ti që ushqen me mall çdo fjalë
E ardhmja të donë zonjë
Si mbretëreshë të ulesh në ballë.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s