Poezi nga Nerinda Hysa

Poezi nga Nerinda Hysa

 

***

S‘ ka fshehtësi në at’ botë.
Haptazi si nji qefin i
bardhë i hapur
në erë .

Jetët tona të fshehta në
familje , teshat e
hedhura pirg
dhe fotografitë.
Ata do të vijnë
Dhe do t’ i zbulojnë.
Do të fshijnë pluhurat
Dhe do të kqyrin nëpër cepa .
Atëherë do të jemi
lakuriq në sytë e tyre .
Shtëpia jonë me gërmadhat
dhe mungesat
banja e parregulluar
dhe
grindjet tona
ata do t’ i dijnë
dhe do t’i zbulojnë
si në një ditë me diell .

A kanë qenë të fshehta ndonjiher’ ?
A kemi qenë
ndonjiher’ vetëm ?
A kemi pasur sekrete ?

Gjithmonë janë
ata
si një turmë .
Një turmë që po pret
të vërsulet
në jetën tone
në cilësitë tona
në mjegullen e heshtjes sonë .

Ata do të zbulojnë
Dhe do të hetojnë
Nën qiellin e vranët të gushtit .

Streha që bie
nën vranësinë
e ditëve .
Dhe ata do të jenë
Aty
Në do fytyra
Të përcëllueme
Thjesht .

 

Burri, ai fëmi

Burri u ngrit e shkoi
Në jetë, në dritë
Në punë, kudo
ku mundi .
Mandej
I lau durt

Nga tana sendet
e u nis .
Vuni harkun në shpatull
Kur dielli nisi
Me e shpalosë krytin te kodra .
Mandej vrau
Preu .
Në fund të ditës u kthye
Si njeri i thyeshëm
në një shtëpi kashte .
Priti që gruaja
me i shërby bukën , ujin
dhe u struk me fjetë
si fëmi
nen mbulesat e pastra.

 

Zjarri i ditës

Dita ka shpërthy
Ç’asht ky nxeht
që shpon ajrimin
e soditun.
Largësinë nga qielli
I nëntorit të përkor’

Kokat e luleve
Kanë ra’ aty –këtu
në dritë – palosje
në luzma
të mëdha .

Kang’ e madhe
asht dita .
dhe velloja
që i bjen sipri
nji ninullë
e zbehtë
e amëshimit të ri.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s