Poezi nga Fejzi Murati

DRURËT DHE NJERËZIT

Nuk janë të gjithë drurët e pyllit të drejtë,
as njerëzit
të gjithë të drejtë nuk janë!
Por drurët,
janë miqësorë me njëri – tjetrin,
njerëzit
njëri-tjetrin hanë!

( Shkëputur nga vëllimi poetik “ Pentagrami i stinëve”

FATI…

Na hodhi fall arixheshka Nermin…
Në dorën time
pa fatin tend
në dorën tënde pa fatin tim.
Në dorën e kujt jemi
fallxhorja se dinte,
Në dorën e kujt jemi
as ne s’e dimë!
Fati yne,
thjesht anonim!

LOJË QË SE LUAJMË MË

Sapo kishte ardhur pranvera,
dhe natyra ngazëllente kudo!
Ti luaje me petale luledelesh si e dehur,
“Më do, s’më do, më do!”