PËRBINDSHAT E BABËZITUR / Poezi nga Vullnet Mato

Poezi nga Vullnet Mato

 

PËRBINDSHAT E BABËZITUR

O Poseidon, i gjithëfuqishëm,
qofsh mallkuar në gjithë Eubënë
dhe në detrat përqark
zotërimeve të Helionit,
që me tre dhëmbë shkunde
me tërmete tërë dhënë,
dhe le gjallë pas vetes,
përbindëshat e korrupsionit!…

Të grabisin trojet
dhe të mbushin shpellat,
me arin e djersës
së argatëve të tokës dhe detit,
të varfërojnë
edhe artistët nëpër parcelat,
ku ata mbjellin
pasurimin e mençurisë së shtetit.

Ku fshihen polifemët me një sy,
pas revanshit,
dhe përbindëshat e taksave
për oksigjenin e erës,
që duan të nxjerrin vaj
nga shkëmbinjtë e Kalimashit
dhe të gllabërojnë
lundërtarët e së dielës?!

Mblidhuni, o trima të deteve letrare,
nëpër kontinente,
të skuqim majat vigane
të penave tona në flakë e zjarr,
t’u verbojmë polifemëve
syrin e ballit, me fuqi të vetme,
të ngordhin shpellave,
pa lënë pasardhës grabitqarë!…

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s