Kalendari poetik: Josif Brodskij (Иосиф Александрович Бродский) 1940-1996 / Përgatiti materialin Maksim Rakipaj

Josif Brodskij

Kalendari poetik: Josif Brodskij (Иосиф Александрович Бродский) 1940-1996

Më 24 maj është dita e lindjes së poetit disident rus Josif Brodskij fitues i çmimit Nobel në vitin 1987; poet disident, pas vdekjes së poetes Anna Ahmatova në vitin 1966 bënte pjesë në një grup poetësh të quajtur “jetimët e Ahmatovës”; në vitin 1972 iu hoq shtetësia sovjetike dhe jetoi në perëndim derisa u vendos në SHBA. Në përkujtim të tij po sjell një prej përkthimeve të mia prej tij:

POTHUAJSE ELEGJI (Почти элегия)

Shpesh, nën kolonat e Bursës, varej nga moti,
të pushonte shiu i ftohtë shpresoja.
E mendoja këtë, si dhuratë nga Zoti.
S’e kisha aq gabim, ndoshta. Eh, mirë,
rastiste të isha dhe i lumtur. Jetoja
nën robëri engjëjsh. Gjuaja vampirë.
Kur zbriste shkallët duke rendur, çdo ditë,
një bukuroshe e veshur mirë,
unë si Jakovi, i zija pritë.
Kush e di se ku
e gjitha kjo u fshi, u zhduk. Nejse,
pashë nga dritarja dhe shkruajta “ku”
pa vënë shenjën e pikëpyetjes.

Shtator. Përpara një kopësht duket.
Më shurdhojnë bubullima të largta.
Mes gjetheve janë pjekur dardhat,
Nga era, si herdhe burrash tunden.
Veç shi rrebesh dëgjoj si në gjumë,
Si guzhinë kushërijsh kopracë,
Dhe me veshët dëgjoj vetëm kaqë:
Muzikë s’ka, por s’ka as zhurmë.

 

© shqipëroi Maksim Rakipaj

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s