Poezi nga Dhimitër Nica

Poezi nga Dhimitër Nica

 

SHPALOSJE, FËSHFËRITJE, VALLE, DASHURI.

Ngrihet ky zogu i pranverës,
nga një lis, nga një pyll në gjelbërim,
ngrihet lart në fluturim,
në një cop qiell të vendit tim.
Poshtë lisi, pylli e tërë gjethnaja,
fillojnë lëvizjet, fëshfëritjet, degët përkunden
e lisat rimojnë në vallëzim…

Bredh ky zogu i dëborës,
nga një bredh te një pishë,
kërkon strehim…
Të gjitha mbushur me dëborë,
degët, boçet edhe halat
e nga pesha del veç rënkim…

Turfullon zogu i dëborës,
ngrihet qiellit me tërbim,
poshtë fillojnë edhe shkunden,
boçet, halat edhe degët
e bora nis e shkrin…

Ka kohë që zogu i dashurisë,
shpalos krahët në gjoksin tim…
E merr vallen krejt gjethnaja
bora shkrin e vetëm shkrin
(o njerëz më ka gjet belaja)
në vend të qetësohet trupi, shpirti,
kanë marë flakë e rrinë të ndezur…,
që nga muzgu në agim!

 

VENDI IM

Gjithmonë kam dashur,
që vendi im të jetë prodhim
made in Albania…
I freskët, i pastër, hyjnor,
të jetë vet bukuria!

Gjithmonë kam dashur
që vendi im të jetë prodhim bukurish…
Për fat të keq…, sa keq, sa keq…
Është kthyer në prodhim
palaçosh, kombinash e tradhëtish!!

 

DIMRI PO ZBRET NUDO…

Vjeshta i hoqi rrobat
një e nga një…
Por si e turpshme që është
i mbajti të brendshmet,
nga lart (sytjenat)
e nga poshtë (stringet).
Si prodhimtare që është,
na i fali të gjitha
dhe tani në moshën thinjoshe
po bëhet gati
t’ i dorëzohet pa kushte
dimrit plak…
Ky disi i kënaqur,
nga dhurata e vjetër
(por me pamje të re)
për të treguar burrërinë
e për të mos e ulur vehten,
po i heq të tëra,
tirqet e shajakut nga poshtë
e nga lart fustanellën…
Po zhvishet lakuriq!
Kujdes o njerëz!
Është i egër dimri sivjet,
ndaj po turfullon të derdh inatet
e t’ i shkarkoj mbi kokat tona,
të gjitha retë!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s