Poezi nga Durim Çaça

Poezi nga Durim Çaça

 

remiks, 3

të shkruash përdit’ nga pak pa shpres’, pa dëshpërim
pa dhembje sic shkruan deti shkrolën e vet
me gjuh’ të argjendtë shkume të shndritme

për ecjen në diell, mes mureve të verdh’ të verës
për ëmbëlsin’ e trishtimit të fëmijërisë

për gojën e trëndafilt’ të gruas së re
që digjet si plagë nëpër trupin
e qenies tënde,

për korijen e vidheve e paqen e shenjtë
të hardhisë vezëllitëse

karrigen, perden e dritares, pirunin, vëthin
e nënës, për gjërat e përditshme që marrin fuqi
të pamat’ tronditëse, vetmin’ e fërfërimës së panjës
ku këndon një mëllenjë

të shkruash përdit’ nga pak pa shpres’, pa dëshpërim
pa dhembje, sic shkruan deti shkrolën e vet
me gjuh’ të argjendtë shkume të ndritshme

për qetësin’ e madhërishme të vidheve,
ah, vreshtin e purpurt muzgjesh

e të ndiesh ndjenjën e mpreht’ të lehtësimit
e të së amëshueshmes…

 

leximtar

labirintet lirike të kaosit të Sanguinetit
si gëzimi universal e kritik i don Kishotit
e dhembja e thellësisë së kuptimit të Niçes

portat e poezis’ që i ruajn’ demonët e Harold Blum-it
pejzat e holla të fjalës thurur me dentrite
të tejdukshme të imazhit
suedez të Transtromer-it

e lexuesi n’bibliotekë i Steiner Opstadit
që është qenia e fundit
paj, humane

vdekja si mëm’ e bukurisë që përmbush
gjithë dëshirat, ëndrrat, hovet
e ndritshëm të Klod Magris-it

e njerëzit gazmorë e të lumtur
të lindur kryefill prej lotëve të gëzimit
të hyut egjiptian Atum

si tamburet ngazëllyese të gjesteve
të tua, e dashur, në ditën e gjinjve të tu
si dreri që ik brinjës së pyjeve në verë

e shkumësi i jetës i Ungaretit që shkon
mbi dërrasën e zezë të vdekjes
për nën anën e pasme të kohës
nga pas shpinës së saj të errët

era e kreshtës e fjala e Iv Bonfua-së
që rreshken në betejë

e njeriu me kitarën e kaltër
tej në aurorat e vjeshtës së Stivens-it
nëpër harenë e gjuhës me palmën
në skaj të mendjes…

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s