***

Pasioni fiket si zjarri,
llava e vullkanit ftohet,
veç hiri mbetet.
Në pastë ngelur ende ndonjë shkëndijë,
fryji, të rindizet sërisht e sërisht…

***

Rendja nëpër imagjinatë
shtrirë në krahë albatrosi
na sjell gjithmonë e më pranë .
Era e kohës iluzion,
kapërcen nëpër pyje mistike
përkund kurora qiellore
dhe sjell dashuri hyjnore.

***

Po të të humbas ty,
dhimbja s’ ka kufij
ajri kthehet në eter
mendimet treten larg
e rrëzohen honeve të vetmisë,
ndaj shkurtoji largësitë,
bëhu cicërimë zogu
rreze e parë e agimit
e ktheu me fëshfërimën e erës.