Poezi nga Amarda Ekmekçiu

E vërteta ndryshe

E di që je aty
Fshehur pas qelqit të syve ,
gërmëzon heshtje 
pa fjalë e premtime ,
Bashkë me pritjen
bëjmë lojën
si bëjnë të vegjlit ,
symbyllurazi pas murit të qiellorit luajmë
ndonëse ,
vegjelia rri strukur
pas prerit të gjyshes
e mallin për vitet ka veshur ,
me zjarr rreth zemrës .
Fare mirë e dimë ,
se ditët i lodh pritja
mungesa ,
harresën e zhbën në marri
e durimi digjet , si përcëllima
rreth oxhakut
E përralla mbaron .
I dashur !
Të qelqtat e kujtimeve
Mos i thërrmo
Shkëlqimin ruaj brënda syve .