Kalendari poetik: Dorothy Parker (1893-1967) / Përgatiti materialin Maksim Rakipaj

Dorothy Parker

Kalendari poetik: Dorothy Parker (1893-1967)

Poete, shkrimtare dhe gazetare e amerikane e njohur për stilin e saj thumbues, u lind më 22 gusht, 126 vite më parë. Mbiemri i saj i vajzërisë qe Rothschild, por nuk kishte aspak të bënte me familjen e bankierëve të atij mbiemri dhe ndihej fort në siklet për këtë shkak dhe sapo u martua mori mbiemrin e burrit; mbiemër të cilin e mbajti edhe pas divorcit. Duke bërë shaka, thoshte se martesa i shërbeu të paktën për të hequr qafe atë mbiemër. Pas vdekjes ia la pasuritë e veta fondacionit Martin Luther King. Ja një shqipërim i fundit prej saj:

ËNDËRR E VARROSUR

Këtu prehet një ëndërr e varrosur.
Hiq sytë nga varri, ec me kujdes,
Mos vrit mendjen të dish si qe kush vdes
Në luftë me Jetën. Mos shko brengosur,

Një çast veç, mos u ngut, ec më ngadalë.
Dhe nga mëshira, mos u rrek t’i flasësh,
Për shpres’, yje, qiej, më the të thashë,
Ëndrra vdiq, e di, kush për të pat qarë.

Çdo herë një gjethe nga pema rrëzohet,
Sado që shkëlqente plot bukuri
Dhe prisnim të rritej me krenari,
Një tjetër mirësi na pakësohet;

Dhe bukuria ul kryet brengosur,
Kur një tjetër ëndërr është varrosur!

 

© shqipëroi Maksim Rakipaj

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s