Poezi nga Ekrem Ajruli

Poezi nga Ekrem Ajruli

 

GJUHA IME

Gjuha ime
gjuha shqipe ron sa malet…
gjuha ime shekullore është lumë
që në shekuj as shteret as nuk ndalet.

Gjuha ime
gjuha shqipe është perlë,
ndaj me ari kurrë nuk matet.
S’është gjuhë ogurzezë, gjuhë gjarpri
E ardhur natën tinëzisht…
pas Rodopeve nga Karpatet.

 

SHTEGTAR

Shtegtar ndër mote, në jetë shtegtar
S’fashitet durimi në këtë mot skëterrë
Në dekada mbaj peng një amanetfjalë
Ndër vite uji s’ma tretë as dielli s’e terë

S’më duhet e kaluara me lot e pikëllim
Burrërisht i këndoj sot ditës së re
Ja, dallëndyshet vijnë e sjellin gëzim
Dhe mbi vargun tim le të ngrenë fole

Ndaj lotin tënd s’ka pse ta pijë sorra
Është lot i bekuar, është melhemvragë
Aty, mu aty ku pikon, sot çeli lulebora
Në buzëqeshjen tënde s’ka vend për plagë.

 

ALARM

Kollitet, dridhet GLOBI
ka ethe zjarrmi…
Sylugatët alarmojnë
Kujdes! është pandemi
Nga erdhi vallë
kush e di!?
Vërtet fajtorë janë shtazët…
apo e polli si çdoherë
përbindëshi-NJERI
Kahdo e kudo:
seanca, kongrese, debate
vampirë në frak të zi…
Lëvizin institute, klinika, qeveri
Gripi (H1N1)
shpikje e derrave…
SURRATNJERI!!!

Ferri i Dantes, sot mbi tokë.

 

DO T’I THEM DY FJALË…

Do t’i them dy fjalë moj mike
Thjesht për hatër miqësie
Mos lakmo kurrë dy karrige
Mos prano lojëra djallëzie

Butaforia dhe do lëvdata
Përkohësisht të verbojnë sytë
Dhe në t’dhënshin dekorata
Jo! s’do ngjitesh te perënditë

Sado lavdata të të joshi
Mos mendo se t’shton nderën
Buzëpërveshja e një sysarhoshi
Shpirtit çiltër ia mbyt vlerën

Kur lëvdata nis venitet
Për pendimin bëhet vonë
N’vend të lules që ti vadite
Nis e çelë një madërgonë

Ikën dimri e vjen pranvera
Bari i ri prapë nxjerr kryen
Po miqësia i ka do vlera
S’ngjiten prapë po u thyen

Porsi teli është miqësia
Dhe në e këput e lidh sërisht
Po s’i kthehet dot ngrohtësia
Se një nyjë të zë në gisht.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s