Poezi nga Fatbardha Sulaj

Poezi nga Fatbardha Sulaj

 

Pakt

A bëjme pakt sot
pakt se si do joshësh botën…
Le të ndërtojmë
ferre dhe parajsa
si kulte të syve
pa shpirtra…
(Ah Mefistofel)
Gjindshëm me prada të shoh
në hyrje të botes,
Gjindshëm me prada në hyrje të arsyes
më prit për një luftë të afërt…

 

“Miledi”

Përulu,
Shiler,
përulu para miledit tënd,
dhe po munde shkruaj një dramë të re…
përshtatur për kohë ufosh….
Përulu Shiler
para miledit tënd
bota është një vagon që ndryshket…

 

Etyd kalimtar

Si në arrati vjen një cicërimë zogu,
si të luaj një etyd kalimtar
i thërret ndoshta llojit të vet,
ndoshta nuk i thërret askujt .
Mbase ndjen gëzim tek sheh botën
nga lart,
mbase shqetësohet për holokasustet
e çuditshme.
Si në arrati vjen një cicërimë zogu
në gjuhë të huaj,
në gjuhë zogjsh…

 

Fustani zhorzhet

zhurma e takave t’mia mbi bulevardat e zallta
lun me flladin e Shirokës
e njashtu valëzon
fustanin zhorzhet me do lule të pranverta
të harrume
prej zhegut…
E në udhëkryqe
hija tande ecën tuj mat
rruginat ku mund të ecna bashkë
na një tjetër kohë.

Shënim: Sa më i thellë të jetë percepetimi për atë botë që na rrethon e drejton drejt vizioneve, të cilat më së shumti janë meditimi ynë i shprehur në kode të fshehta fjalësh e kuptimesh, aq më i madh është dhe konfuzioni i përballjes, si mendësi e një refleksioni ku njeriu paqyron veten si formë e qenësishme,  por dhe si rreth imagjinar që përherë kërkon të kapërcejë kufijtë imagjinarë, drejt  atij obsesioni që  orienton, por dhe  atij absurdi që parafytyrimi e ndjek si në përjetësi  dhe e tundon.  Paktet  e bëra përmes njeriut (autores Fatbardha Sulaj) dhe besimit të saj, janë një pakt joshës mes dhimbjes  dhe paqes,  kaluar nëpë atë ferrparajsë, që në njërën anë  zbret nënkatet e Hadit dhe përballet me mëkatin e vet, ndërsa ana e tjetër e ngre pezm në qiell, gjindshëm  deri në pragun e portave që ndajnë, arsyen e përvuajtjes së trupit me atë të shpirtit. Natyralizimi dhe konfiguracioni  poetik  prek kulte dhe gjendje, hapësirë koherente dhe tejkueshmëri, traskiptim dhe nënide, të cilat me  larminë dhe format  hermetike ose  surreale, apo dhe ardhur si etyde, kanë vetëm një lajmotiv, atë të përcjelljes së ndjeshmërisë estetike, subjektivizmit që shoqërojnë botkuptimet  shoqërore dhe prezantimin kontemporan të evolimit mendim, si dije dhe përcjellje e gjurmëve të nesërme.

Agron Shele, shkrimtar

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s