Poezi nga Myrteza Mara

 
Poezi nga Myrteza Mara
 
 
GËZUAR!
 
Gëzuar të gjithë!
Edhe ata që s’më njohin nga afër,
nga urimet
vetëm urime mund të presësh,
me urime bota bëhet më e pastër!
 
Edhe zogjt e qiellit,
yjet e uritur për këngë,
edhe stolat e ndezur
me puthje në parqe,
nga mot blerim!
 
Edhe ata
që dinë të kërkojnë ndjesë,
pendimi është pragurimi.
S’kemi kufij për të ndarë
kemi tapitë e fjalës së shkruar
në penatgramenët e legjendës së besës,
në këtë botë s’jemi më shumë
veç shtegtarë me hap pelegrini!
 
Urova edhe kujtimet,
burimet e krojeve të dhimbjeve,
zemrat pa kthim
mbuluar me tylin e heshtjes,
por jo nga harrimi!
 
Do të doja më shumë urime,
por s’më lenë plagët e shpirtit,
plagët kanë nevojë
për melhelmin e fjalës,
fjalët janë bërë gurë.
 
Vetëm hijenat e natës
nuk i dëgjojnë urimet,
janë në kërkim të vetes.
Zoti u ndriçoftë shpirtin
të paktën mos mbeten të verbër!
 
Gëzuar!
 
 
KJO BOTË
 
Mbi këtë botë,
veç hënës memece,
ka dhe satelitë të tjerë,
shushunja-vampirë
që rrotullohen si gjarprinjë
në vorbullën e gravitetit.
Pronar orbitash
si gurahedhës,
lidhur me litarë mallkimi
vetëshpallen botë.
Emrat ua dallojmë vetëm në errësirë:
Bota e djajëve-veshur si ëngjëj,
bota e urithëve-krrusur si klerik,
e kërrmijëve-parfumuar si dhëndërr,
e prositutave-ngjyer me ditë,
(politikanët nuk kanë botë
janë asteroidë tranzit).
Pastaj bota e Brutëve,
e Jagove, Mamuthëve,…
të gjithë bëjnë hije
mbi supet e këtij planeti
si lëkundje tërmeti.
Nën pluhurin kozmik të tyre
zvarriten hamenjt e botës
duke mbjellë fidanat e eshtrave
deri në palcën e tokës….
Po vazhdoi kështu
edhe pak,
kjo botë s’e ka të gjatë!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s