Poezi nga Inida Brahimi

 
Poezi nga Inida Brahimi
 
 
***
 
Ag’ i ri
A e di ;
Se ti je një urë takimi mes meje e tij ?
Ja; këmbët e mia të zbathura kapërcejnë shtegun e dritës
Majë një muri të lartë mohimi
Kjo është e fatit një sfidë !
Me delikatesën e rrezes tënde të parë
Kacavirrem …kacavirrem ,
Gëlltis unazën e ditës
Atë më mbytësen ;pritjen
Vizatoj portën e bardhë të mosikjes …
O ag’ ndihmë pak
Mbase rrëpirën e shpikën ata që e deshën errësirën
Por çdo gjë në fund të fundit e ka një cak!
O ag’
Në çastet e vogla që zgjat mallimi ,
Në brengën e mbledhur grusht
Në fjalën që po merr harrimi
O ag’ ,mbushma një kupë !
 
 
***
 
Të kalojë kjo stuhi
E qerpikëve të mi
Si dritë prej qiejve
Të biesh ti
Bora ime e pashkrirë
Tek ty kam rënë e jam shtrirë
Se ti je i bërë prej motesh
Se ti s’je i kësaj bote
Ndaj gjithë zhgënjimet shkuan ngrirë
Si gabim …
Akuj …akuj dhe pak rrëshirë
Në gjakun tim
Të kalojë kjo stuhi
E damarëve të mi
Lidh filizin e njomë
Si korrigjim .
 
 
***
 
Ç’je ti
Që vjen në natën time e më bën dritë ?
Ç’kërkon në ëndërr e më përpitesh në sy ?
Pastaj ,pa dashjen time ikën
Ç’je ti ?
Sado të erret ,të nxihet ky qiell
Me dritën tënde ,s’e le ti
Ç’humbe në ëndrrën time këtë agim
Ç’ke harruar pa më thënë
I lexova fjalët që më pate nisur
E dot s’të përgjigjem
Ke ikur !
Përherë ti bën sikur largohesh
O dashuri e pajetuar
Pastaj tek unë kthen e shlodhesh
Për të harruar !
Ç’jemi ne të dy ?
Kur krahët shtrin drejt krahëve të mi
E i pafundmë të duket çasti
Ndërsa gojët bëhen memece e veç sytë flasin !
Ç’jemi ne të dy ?
Si shpend i qiellit tënd ndal fluturimin
E ndamë përgjysmë edhe ajrin
Me mbulesën e përbashkët ,shtratin
Të huaj mbjellë në një rrënjë
E dëgjoj kraharorin tënd
Zgavrën me një grusht zemër
Kafazin me një pulëbardhë të plagosur
Rreh kaq rëndë !
Si vala përplasur në shkëmb
Ç’jemi ne të dy ?
Tani
Tik -taku i së djeshmes së pasosur
Ç’je ti ?
 
 
***
 
Prania jote …
Kjo heshtje që thotë kaq shumë
Ti di të vish tek unë në të gjitha mënyrat dhe rrugët
Si muzikë ,si poezi
Si një ëndërr
Si ngjyrë ,si aromë
Në të gjitha format dhe imazhet
Në skajin e asaj që shoh ,besoj ,jam e bëhem
Ti kompozon jetë
Ajri i mëngjesit dhe fryma e mbrëmjes
Tingulli i zemrës
Ti di të vish kaq bukur …
Të më gjesh
E të më ndjesh…
Qëndro !

One thought on “Poezi nga Inida Brahimi

Leave a Reply to vidayobradelpoemamexicanofranciscoazuela Cancel reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s