Nafora e kombit / Kristo Çipa për Petrit Rukën

 
Petrit Ruka
 
 
Kristo Çipa për Petrit Rukën
 
Të nderuar miq,
Nëpër ligjërimet e vdekjes, mes psherëtimave të lënduara të shpirtit, nën cipullin e zi të ditës së sotme, po përcjellim më të ëmblin ndër gjithë poetët shqiptarë, arshivistin dhe fidan-rritësin më të zellshëm të baladave shqiptare, të pikuarin e ëndjes labe, Petrit Rukën.
Të qoftë mjaltë balta jonë!
 
Nafora e kombit
 
Përmidis lotit ëngjëlli erdhi,
Të mblidhte shpirtin borzilok,
Nëpër trishtim gremiset qielli,
Xhade e mortit, jo s’bëhet dot.
 
Ku shkon Petrit? Syrin mos fik!
O mëndafsh ere e dashurisë.
Kuajt kanë nisur mitologjitë
Me një prej tyre, kthehu sërish!
 
Por ç’kalë zgjodhe këtë radhë,
Petrit i ëmbël, veç ti e di.
Cipën e dritës qëndisje ar,
Na qepe shpirtin me fill të zi.
 
O vesë e ëmbël! Naforë e kombit,
O lab i leshtë! O lot i gurtë!
Do ndjejë pendesë kur t’i vesh Zotit,
Nga gjithë ëngjëjt, ti je më i urtë.
 
Ne buzë paqeshur do ngrysemi prapë,
Na lanë yjet. Qielli i ve,
O dhe i zjarrtë, sa baltë dhe gjak,
Mbaji shenjtorët mos i përze!
 
Të mbajë një meshë poezie,
Të marrë avdes nëpër balada,
O njerëz gjaku- Shqipërie,
Ç’farë mund të bëjmë,
të kthehet mbrapa?!
 
 

Nga Kristo Çipa “Mjeshtër i Madh”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s