U lind më 21 tetor Kajetan Kovič poet, prozator, shkrimtar për fëmijë, përkthyes dhe gazetar slloven. Mori gradën bachelor për letërsinë e krahasuar në vitin 1956 në universitetin e Lubljanës. Fitues i disa çmimeve letrarë, në vitin 1995 u zgjodh antar i Akademisë Slovene të Shkencave dhe Arteve. Ja një poezi me rastn e 90 vjetorit:

 

 

 

E para, që të flesh

duhet përzënë kjo hënë

nga dritarja.

Vendos si duhet

rrjetën e mickonjave.

Siguro për maçokun

hapësirën ku të bredhë natën.

Bëj të heshtin

qentë qaramanë të komshive.

Zëri veshët

për të gjitha zhurmat

veç asaj të shiut.

Sikterisi mendimet

e ankthshme në vendin

që u përket,

në kohën e shkuar

a të ardhme.

Palosi ndjenjat

nëpër spërdredhjet

e fshehta të zemrës

futi nëpër qese

dhe mbylli me çelës.

Përmbaji dëshirat

dhe shpërfilli fyerjet.

Mos u merr me poezi.

Kap fillin e një historie

dhe sajo një përrallë.

Bëhu nënë për veten tënde.

E dashura jote bëhu.

Me të puthura mbuloje

zemrën e pakënaqur.

Mbuloji mirë

gjymtyrët e mardhur.

Hyrë

në ndonjë qelë manastiri

në terr dhe heshtje.

Sa më larg shko

deri në fund të botës.

Në kufirin mes ëndrrave dhe zhgjëndrrave.

Në mundsh

edhe më përtej.