Poezi nga Linditë Ramushi DUSHKU

 
 
Poezi nga Linditë Ramushi DUSHKU
 
 
***
 
Asht gjamë e madhe
me i than lamtumirë ktij mishi që âsht ngjit ashtit e lehtë s’shkoqet
si me i than vjeshtës qi fryen gjethet e çdo peme lehtas
ashtu zhveshun pa turp
a me i than a âsht gjamë e madhe
a nashta edhe era mbulueme rri prej reshë
si koha qe thyhen mure e mbështjellë zemra aq ngushtë qi t’ban me mar fryme edhe ateherë kur s’ka ma vend
e vjen prap tu u rinue
prej filizi t’parë prekun prej dritës
qi i beson njisoj sërish prej filli
me t’lulue trupi gzimit si shpirti mishnum ashtit
e mos me t’thy vrimash shtizat.
 
Âsht e madhe ajo gjamë
bash njisoj si kur hapet legeni i mesit e del fmija barkut
rrotllue s’jashtmi n’prehen tu kajt
a nana knon prej gzimi.
 
E njejta gjamë âsht
si ashtit ngjitun mishi e shpirti n’atë
e unë n’mes për me rrëfy për udhtë e tyne.
 
 
***
 
…Ti kaj nën zà
e toka ne t’laget rranjësh bimësishë
t’plasaritunat le t’mbushen
se nji vend e ka lan për ujë
sytë pa i pa shtjerrun nuk shtohen detet.
 
Masandej ulesh n’guj e kqyr shtegut t’rrafshit prej nji kodre
nëse e sheh diku madhninë e perëndimit
kanga(vaji) tashma âsht jehonë
nji za qi t’rri n’vesh sikur po t’thirrin zanat me t’bekue
 
Asht zani i ‘kangës .
 
 
***
 
Âsht veç nji derê qi e kallxon driten
e ma thrret emrin kur kujtesa me venitet
ajo e ban qellimshem
humbet sirtareve t’fshehuna
per me lujt pjesen e pafajshme
se kjo gjà ka ndodh veç nje vakt e me e quajt “jamais vu”
me e pa prej s’di t’satèn herë
e me trokit zemra per s’di t’saten here per t’njejten dritë
si me u pas ndeze vec nji herë
e kurr ma parë.
 
Ma s’di çka baj
veç me prit
mbes tu prit se çka bahet kur hapet njisoj dera.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s