Është një ishull-shtet, që quhet Saint-Lucia (rreth 180 mijë banorë) në Antilet e Vogla, në mes të Karaibeve dhe oqeanit Atlantik; atje u lind më 23 janar 1930 Derek Walcott; dramaturg dhe poet i njohur. Walcott është fitues i çmimit Nobel për letërsi në vitin 1992. Përzgjodha këtë shqipërim prej poezive të tij:

 

 

 

Gjërat që nuk shpërthejnë,

mehen, çngjyrosen,

si dielli prej trupave çngjyroset,

si shkumë e detit jep shpirt në breg,

edhe rrufeja shkrepëtitëse e dashurisë

s’ka ndonjë fund shungullues,

vdes me tingull lulesh

që zbërdhylen, si trupat,

si shtufi nën shkëmbij shtrydhet

gjersa merr trajtën e fundit

gjersa mbetemi vetëm me heshtjen

brenda kokës së Beethoven-it.