Poete nga Kosta Rika, u lind më 4 shkurt 1961; nuk munda ta postoj në atë datë sepse ishte edhe data e lindjes së Zhak Preverit 4 shkurti. Ka studiuar sociologji, drejtësi dhe letërsi në Universitetin e Kosta Rikas, librin e parë e botoi në vitin 1983. Pjesëmarrëse në shumë kongrese, festivale, etj., rreth poezisë dhe është vlerësuar me çmime të shumtë. Ja përzgjedhja ime për sot:

 

 

 

Vendi im shumë kohë ka qënë rrumpallë.

Televizor nuk shikoj, por

disa lajme janë me rëndësi.

E tashmja nuk është e përjetëshme,

bota po rrënohet,

ndërsa astronautët dhe politikanët

kanë fanfarat e tyre,

gjëja më me vlerë tani është dashuria

për paranë:

kështu mund të blesh veshjet më të shtrenjta,

të paktën ngjall zilinë e ndokujt si ti,

në vend të ledhatimeve.

 

Kohët e fundit po rri mënjanë,

me një farë pafuqie:

koha është bërë shumë e shtrenjtë.

Më mirë të mos humbësh

asnjë minutë me askënd.

 

Jeta duhet fituar

sidomos në valutë të huaj.