PO PYETE NË GJAKOVË: KU BANON PIKËLLIMI? / Poezi nga Kadrush Radogoshi

 
Poezi nga Kadrush Radogoshi
 
 
PO PYETE NË GJAKOVË: KU BANON PIKËLLIMI?
 
1.
Po pyete në Gjakovë:
Ku banon pikëllimi?
Të thonë: Në Çabrat
Eshtë Antologjia e të vrarëve…
 
Po pyete në Gjakovë:
Ku banon pikëllimi?
Të thonë: Adresë janë
Zemrat e nënave,
Janë sytë e shndërruar në gurra lotësh
Të grave mbetur pa burra
Të fëmijëve mbetur pa baballarë.
 
Po pyete në Gjakovë
Për të tretën here:
Ku banon pikëllimi?
Do të habiten me ty
Si nuk e sheh në çdo gjë që preket
Si nuk e prek në çdo gjë që shihet
Si nuk e ndien kur merr frymë
Si një përbindësh i dale nga përralla?!
 
2.
Në majë të Çabratit
Mbi qytetin e përgjumur
Varrezat qëndruakan gatitu!
 
Ato ruajtkan kujtesën e tokës,ujit ajrit!
Ato trokitkan me forcë
Në portën e harresës
E zgjuakan të pëgjumurit
E ndëshkuakan autorët
E atij Kali Troje
E atij ushtari të dale boje!
 
Në majë të Çabratit
Në një antologji të çuditëshme
Varrezat qëndruakan gatitu!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s