Fabula nga Iliaz Bobaj

 
Fabula nga Iliaz Bobaj
 
 
KANDIDATURAT
 
Demokrcia jonë shkëlqeu,
rend fjala gojë më gojë:
-Kandidaturë për President,
le të vetshpallet kush të dojë.
 
Në një çmendinë, kur u dëgjua,
ky lajm të çmendurit i çmendi:
të gjithë vetshpallën kandidat,
për President të vendit.
 
Një burrë i urtë, kur pa ç’po ndodhte,
kapak i vuri fjalët:
-O zot, kur është fjala për post,
nuk mbahen as të marrët…!
 
 
BISEDA ME KOMEDIOGRAFIN
 
Thosh komediografi:- Komeditë,
i shkruajnë komediografët,
i luajnë aktorët, duke marrë nga një rol.
Ndërhyra me takt:- Ka dhe përjashtime:
tek ne komeditë i shkruajnë politikanët
dhe populli luan komeditë e tyre.
 
 
GJËJA MË E SHTRENJTË
 
Diskutimi kish marrë zjarr:
”Cila gjë është më e shtrenjtë?”.
-Lekët, diamantet, floriri,-
tha tregtari shpejt e shpejt.
 
Dhe ata që ishin pranë,
në heshtje e miratuan,
vetëm koha rrudhi ballin
dhe po rrinte e menduar.
 
Si dëgjoi të gjithë me radhë,
foli kur ia deshi puna:
-I pari është shëndeti,
pas shëndetit, vjen kultura…
 
 
 PAS VETSHPALLJES ”KANDIDAT PËR PRESIDENT”
 
Pasi vala e vetshpalljes kaloi,
kafshari i fshatit rrëmbeu një fletë,
në biografinë e tij shtoi:
-Ka qenë kandidat për President.
 
 
 PESHKU I DETIT DHE ZHABA E KËNETËS
 
Një peshk që jetonte në det,
ngatërroi udhën,
hyri aty ngjitur në një kënetë.
-Nga vjen?- e pyeti zhaba, kur i doli përballë.
-Nga deti,- i tha peshku.
-Si është deti, ma thuaj me dy fjalë.
-I thellë, i gjerë, pa fund e anë,
me ujë të pastër, me valë, me dallgë…
-E besoj,- i tha zhaba,- që aty është ndryshe
dhe mund ta jetosh ndryshe jetën,
po ne jemi mësuar në llumin tonë,
nuk bëjmë dot pa kënetën…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s