Poete, eseiste, përkthyese dhe akademike uruguajane, me shtetësi italiane, emri i plotë i saj: Martha Luana Canfield Malvino. I ati i saj, oficer marine me prejardhje irlandeze, e ëma me prejardhje italiane, nga Bazilikata, ndaj qysh në moshë të njomë fliste jo vetëm spanjisht, por edhe anglisht dhe italisht. Disa vite ka punuar si pedagoge në Universitetin e Firences. Ja një poezi e saj:

 

 

 

Vështrimi yt i penduar

buzëqeshja jote e përhumbur

sytë e tu të kaltër

në thellësinë e errët të mungesës

që më le pa ty

kur s’mundem të tthith ajrin që është pa ty

as të kundroj tokën që të shpërfill

s’mundem ta dua

këtë jetë jo-jetë të ditëve të mia pa ty

pa vështrimin sy më sy me ty

pa buzëqeshjen tënde në shpirtin tim

jeta jote shkuar pas shpresës së verbër

të rrugës që bëj

ditë pas dite pa ty

mbështjellë me ngrohtësinë e sigurt të hijes sate

e njëjtë dhe pa ty

e njëjtë gjithmonë me ty

në ëndrrën zhgjëndërr

të dashurisë tënde për mua.