U lind si sot 115 vite më parë, poetja Mascha Kaléko, si bijë jashtë martese e tregtarit ruso-hebre Fischel Engel dhe një vajze hebreje austriake, Rozalia Chaja Reisel Aufen. Pas lindjes së vajzës ata u martuan dhe u vendosën në Gjermani. Në Berlin, Mascha u njoh me poeten Else Lasker-Schüler dhe poetë të tjerë të dëgjuar. Në vitin 1938 Mascha me të shoqin, u vendosën në SHBA. Ja një poezi prej saj:

 

 

 

Më kujtohet kur vdiqa të parën herë,

e mbaj mend si tani si qe.

Vdiq gjithçka për mua, pa u ndjerë.

Në Hamburg ndodhi, ishte prill,

tetëmbëdhjetë vjeçe isha.

 

Kur vdiqa herën e dytë,

më dhëmbi shumë vdekja.

Pak gjëra munda t’i le:

zemrën që regëtinte para derës së tij

 

dhe gjurmët e kuqe mbi dëborë.

Por kur vdiqa për herë të tretë,

thuajse fare s’e ndjeva.

Më qe e afërt tashmë, si shtrati, si buka,

si këpucët, si teshat më ishte vdekja.

Dhe tani nuk vdes më.