Sot, më 22 qershor, është data e lindjes së Giacomo Prampolini-t, përkthyes, eseist dhe poet italian. Poliglot i rrallë, njihte rreth gjashtëdhjetë gjuhë. Veç krijimeve të tij, i solli lexuesit italian vepra autorësh të shquar nga shumë gjuhë që zotëronte. Ka fituar çmim nga Akademia Italiane për veprën “Historia Universale e Letërsisë” dhe çmimin “Martinus Nijhoff” për përkthimet nga holandishtja. Ja një poezi prej tij:

 

Sot më silleshin fjalët përqark

si të qenë flutura; fjalë të thjeshta fare:

guri, toka, qielli, vuajtja ime

dhe ajo e të gjithëve. Nesër gjithashtu

tjetër ditë do të jetë: së paku për ty,

o botë, që vërtitesh pa kujtesë.