Promovohet “Asht Gusht”, një kryefjalë dashurie e Linditë Ramushi Dushkut / Nga: Xhemile Hysenaj – Kult Plus

Promovohet ‘Asht Gusht’, një kryefjalë dashurie e Linditë Ramushi Dushkut

Mbretëresha e të gjitha arteve, sepse poezia e tillë është, një mbretëreshë e vërtetë.

“Asht Gusht”, libri i autores Linditë Ramushi Dushku, si një mbretëreshë e këndshmë dhe elegante, u promovua sot në ambientin e KultPlus Caffe Gallery. Ky botim pëmbledhë dyzetë poezi të shkruajtura në dialektin gegë, ku motivi i këtij vëllimi poetik është dashuria, poetja i këndon dashurisë herë si nevojë e herë si motiv për jetë.
“Dashuria është thelbi i qenies së njeriut, thelbi i gjithçkaje që njeriun e rrethon. Dashuria është gjithmonë e fortë dhe e lidhur me njeriun”, u shpreh autorja.
Para një publiku modest, autorja shpalosi vëllimin e saj poetik të ndarë në tri cikle, duke vazhduar më pas me redaktoren e librit, Ilire Zajmi e cila u shpreh se Lindita nuk na i rrëfen ëndrrat por shpalosë shpirtin e saj të çiltër, përmes poezisë së saj dukë vënë në pah fuqishëm unin e saj femëror. “Gruaja në shoqërinë shqiptare është e paragjykuar si gjini e dobët, e pafuqishme, e cila duhet të mendojë fort për çdo veprim të saj”.

Asht Gusht

“Gjuha në poezitë e Linditës është një gegnishte e ëmbël, ligjërimi është i rrjedhshëm dhe i natyrshëm, duke iu përshtatur plotësisht motiveve që trajton”, potencoi Ilire Zajmi.
Për të argëtuar publikun dhe për t’i njoftuar paraprakisht për poezinë e Linditës, Elona Çuliq recitoi disa poezi të autores, ku pas çdo poezie përçonte një emocion të lezetshëm tek publiku, i cili dukej sikur filloi të jetonte brenda poezisë./KultPlus.com

Nga: Xhemile Hysenaj

Advertisements

Associazione Prometeus: Premio Palmi Città della Varia, il 24 agosto la cerimonia di premiazione / Anna Maria Deodato 

Associazione Prometeus: Premio Palmi Città della Varia, il 24 agosto la cerimonia di premiazione https://calabriapost.net/cultura/associazione-prometeus-premio-palmi-citta-della-varia-il-24-agosto-la-cerimonia-di-premiazione?fbclid=IwAR2mNdqJwCgcsJoI0aoNhJsXjRWiXo_Gvy272pIzzj-gf3N74gq2c18xTYs Si è conclusa con successo la prima parte del Premio “Palmi Città della Varia” I edizione, concorso internazionale di poesie e racconti ideato dalla poetessa … Continue reading