Një libër, tregues i vlerësimit dhe krenarisë për filozofinë popullore / Nga: Vera Istrefaj

Një libër, tregues i vlerësimit dhe krenarisë për filozofinë popullore                                                                   Dy fjalë për librin “Anekdota                                                 … Continue reading

Ëndrra ime: Ti përkushtohem artit ( Bisedë me “MISTER CHILDREN – SARANDA 2017”, Latif DUKA ) / Nga: Agron Mema

Ëndrra ime: Ti përkushtohem artit
 
Bisedë me “MISTER CHILDREN – SARANDA 2017”, Latif DUKA
 
Sa ka mbaruar spektakli konkurues “Mister dhe Mis Children Saranda 2017” dhe jemi ulur në bisedë me fituesin e kurrës së Misterit, vogëlushin Latif Duka. Na bën përshtypje jo vetëm bukuria fizike, por edhe zgjuarsia e tij në përgjigje të pyetjeve tona dhe natyrshëm shkojmë në meditim se” nuk janë më të vegjl e nuk duhen parë me këtë sy prindëror”. Lartifi thotë se i pëlqen muzika dhe ëndërron të mbarojë një konservator ku të diplomohet si instrumentist në kitarë, por pa hequr dorë nga sfilatat ku i pëlqen të modelojë për modën, pasi që tani ka kërkesa edhe nga revista prestigjioze të modës. Mësimet janë prioritet se , siç na thotë vetë, asgjë nuk mund të arrish në jetë pa mësimet, ç’do ëndërr, po nuk mësove, shuhet dhe mbetet ëndërr që thjeshtë të ka prishur gjumin, po kur hap sytë ajo zhduket dhe nuk është realitet, ndaj ç’do gjë duhet bërë në kohën e sajë dhe jo të mendojmë se asnjëherë nuk është vonë kurrë, ndodhta kjo i takon problemeve të tjera jetësore, por sot moshës sonë i kërkohet mësim dhe vetëm mësim. Pas kurërëzimit të Mister Saranda 2017, konkuron edhe në spektaklin”Mister Albania 2017” në Durrës ku nuk doli pa çmime. Dhe mori dy; “Artisti më i mirë i ri”dhe “Fotomodel për revista”, tani ka ftesën për spektaklin”Mister dhe Mis Europa” që do të zhvillohet këtë vjeshtë në Gjeorgji, ku natyrshëm mendon se nuk do shkëputet pa vlerësim. Po le të lexojmë më mirë atë ç’ka latifi vet e shpreh në këtë bisedë:
 
 
Nga: Agron Mema
 
 
Urime për kurorëzimin! Mund të na thoni si e morët vesh dhe si vendosët të bëheshit pjesë e këtij spektakli që tanimë ju kurorëzoi si Mister saranda 2017!
 
 
 
-Faleminderit për urimin dhe intervistën e pse jo edhe për pjesmarrjen në spektakël dhe promovimin e tij në media. E mora vesh fare rastësisht.Erdhi moderatorja dhe drejtuesja e spektaklit, teta Albana Çakshiri në klasë,na pa dhe zgjodhi disa prej nesh, mes të cilve isha edhe unë i zgjedhur. Teta Albana, ata që nuk u zgjodhën u tha se do të merrnin pjesë në një spektakël tjetër dhe do të ishin të parët. Mbase për të mos i mërzitur apo ndoshta ndonjë projekt tjetër i sajë.
 
Ç’farë ndjeje kur ju erdhi lajmi se do të ishit pjesë e këtij konkursi bukurie? A bëje prova në shtëpi?
 
 
 
U ndjeva mirë!natyrisht që edhe gëzova.Por tu them të drejtën , nuk mendoja se do fitoja kurorën, por gëzoja se do të konkuroja me bukurinë time e cila do të merrte një status tjetër të zyrtarizuar. Të gjithë mendojnë se janë të bukur dhe përpiqen të jenë sa më të bukur, të performojnë sa më bukur, të flasin bukur dhe gjithshka ta bëjnë bukur. Prindërit e paranuan menjëherë dhe kjo më lumturoi. Në shtëpi? Normalisht që bëja prova. Ishte si të thuash një luftë me vetveten, një përpjekje të ngrihesha mbi Latifin, por nuk munda, mbeta Latifi dhe fitova. Po ishte diçka e mundimshme kjo e provave para pasqyrës, se të themi të drejtën ç’do kujt i pëlqen vetja, po në konkurim ndjesia nuk zë shumë vënd, por mendoj se është shumë e rëndësishme paraqitja sa më natyrshëm dhe thjeshtë. Të jep rezultat dhe vlerësim. Sepse kjo të tregon edhe kush je në të vërtetë.Bëja prova dhe mendoja gjëra nga më të ndryshmet, aq sa mendimet më rrëmbenin dhe harroja që isha para pasqyrës. Zhytesha në to.
 
Thatë se kur morët vesh fillimisht se do ishit pjesëmarrës në konkursin e bukurisë nuk menduat se do fitonit, po gjatë provave të shumta në sallë dhe në shtëpi, a ndryshove mendim?
 
 
 
 
Jo, deri momentin e fundit nuk mendoja se do fitoja të kurorëzohesha Mister. Por ndërkohë mendoja se do rradhitesha ndër më të mirët me një çmim të thjeshtë, modest që të vlersohesha disi më mirë nga pjesëmarrsit e tjerë. Dua të them se të dy prindërit më nxitën dhe më jipnin shpresë se do fitoja dhe dua ti falenderoj.
 
Dhe erdhi fundi i spektaklit. Juria e vlerësimit ju kurorëzoi Mister. Ç’farë ndjetë në ato momente?
 
 
 
U ndjeva shumë i lumtur dhe i gëzuar. Të kisha krahë , fluturoja. Më ndali fryma për momentin. Fërkova sytë se mos isha në ëndërr. Me sy kërkova mamin dhe babin, po ata qëndronin në fund të sallës, ishin disi larg. Doja ta ndaja me ta emocionin e parë. Por ata si duket ndaj kishin qëndruar larg që të mos emocionohesha. Bëmë shumë fotografi, vallëzuam e kënduam. Pastaj shkuam në lokal me teta Albanën.
 
Pas shpalljes Mister, kë takuat të parin?
 
 
 
Zbrita nga podiumi dhe vrapova drejt mamit dhe babit. Ata më përqafuan , më puthën, më uruan.Pastaj i erdhi radha Missit me të cilën ndenja gjatë gjithë kohës pas spektaklit dhe bëmë shumë fotografi. Kujtime të bukura dhe të paharrueshme. Edhe ata gëzonin shumë si prindërit e mi. Edhe gjyshja në shtëpi më puthi dhe mëtha të lumtë. Të gjithë njerzit kështu më thanë. Ishin të gjithë të lumturuar dhe gëzonin. E festuam edhe ditë të tjera se vinin njerzit të uronin. Kaloi mirë gjithshka.
 
Ju kanë uruar shumë dhe si?
 
Shumë urime të shumta e të ndryshme! Po ajo që mbizotronte tek të gjithë , qe urimi” suksese në mësime, kujdes me mësimet dhe mendjen në kokë”.
 
Ç’farë elemente konkuruese u kërkua në spektakël?
 
E para qe pozimi dhe mënyra e qëndrimit në skenë para publikut. Vëmendja më e madhe i kushtohej paraqitjes. Kishim edhe interpretim, recitime. Unë recitova një vjershë për pranverën. Më pëlqen kjo stinë.
 
Kujt ja dedikon fitoren tuaj të kurorës së Mister?
 
Në rradhë të parë prindërve për genin që më dhanë, mënyrën e trajtimit të veshjes dhe ushqimit. Teta Albanës që më përzgjozhi dhe me përkushtim punoi me neve gjatë provave, jurisë që bëri një vlerësim real jashtë atyre thashethemeve që dogjuam pas spektaklit që më vjen turp ti përmend.Natyrisht një përshëndetje shkon edhe për publikun pjesëmarrës që na ndoqi dhe na duartrokiti. Gjithshk shkoi mirë. Dua të shtoj këtu se kur bëja prova në shtëpi, mendoja që kishte diçka të mirë tek unë që mbetej për tu ndarë me të tjerët. Këtë e kam kuptuar akoma më i vogël që nga komplimentet e prindërve, sidomos ato të mamit, por edhe më vonë kur fillova shkollën tek komplimentet, vështrimet dhe qëndrimet e shokve , shoqeve të klasës dhe mësuesave karshi meje. Në të vërtetë , fëmijët janë të gjithë të bukur. Edhe mosha , edhe shpirti i pandotur i bën të tillë ashtu si dhe bota dhe ëndrrat e tyre ua jep këtë shanc të të qenurit i “bukur”, me thënë të drejtën, dhe kështu i vlersoja edhe unë komplimentat e ndryshme në adresë time, që edhe të përkëdhel pak sedrën dhe krenarinë, por duhet kujdes mos të të pëlqejë vetja e të bëhesh mendjemadh, të shpërfillësh të tjerët se i rrëzon të gjitha e mbetsh pa asnjë vlerë. Duhet të të bëjë këmbngulës dhe ta vështrosh më qartë të arthmen tënde. Ta përdorësh gjithshka nga vetja jote që të ka falur Zoti në shërbim të vetes tënde, familjes dhe shoqërisë. Se kushdo ndjehet mirë në praninë e një bukurie, e ç’fardolloi qoftë kjo.
 
Po spektakli “Mis dhe Mister Albania-Durrës 2017” ç’farë shijesh ju la?
 
Më la shije shumë të mira. Tanimë shkoja pas një përvoje me një kurorëzim dhe emocionet dukeshin se qenë shumë larg meje. Ishte po ajo teta Albanë që qe edhe në Sarandë: e qetë, e durueshme, kombëngulse, e dashur dhe tepër e sjellshme me ne dhe dhe shumë e kuptueshme. Na bënte të mos mërziteshim nga provat e gjata dhe të mos e ndjenim lodhjen. Kishte diçka magjike tek ajo në mardhëniet me ne. Në fund të këtij spektakli garues në rang kombëtar, u vlerësova me dy çmime nga juria: “Artisti më i mirë i ri” dhe “Fotomodel në revistë”. Më gëzoi shumë vlerësimi, pasi përmbushte në një farë mënyre edhe synimin dhe qëllimet e mia për të arthmen.
 
Ç’mendontë bësh në të arthmen, tanimë që mbani edhe një kurorë dhe çmime bukurie, a kanë ndryshuar qëllimet dhe synimet tuaja në jetë?
 
Sa e thashë edhe më lart që kurorëzimi Mister dhe çmimet e fituara më shtuan më shumë ecjen drejt synimeve dhe qëllimeve të mia për të arthmen, ato i përforcuan ambiciet e mia në jetë. Mësimet janë të parat për ti realizuar tërësisht ato. Ëndrra ime është arti, mbarimi i konservatorit të muzikës dhe të marrpjesë në konkurse dhe sfilata mode, të performoj edhe në revista mode. Mendoj se do t’ia arrij.
 
Faleminderit dhe suksese!
Sarandë; Gusht 2017