INTELEKTUAL DO TË THOTË TË ZGJIDHËSH NYJE TË PAZGJIDHURA NË SHPIRTIN E SHOQËRISË (Rreth një përsiatje të shkrimtarit Konstandin Vogli ) / Nga: Robert Martiko

INTELEKTUAL  DO TË THOTË TË ZGJIDHËSH NYJE TË PAZGJIDHURA NË  SHPIRTIN E SHOQËRISË (Rreth një përsiatje të shkrimtarit Konstandin Vogli )   Nga: Robert Martiko Duke lexuar një përsiatje të Kostandin Voglit, autori i mjaft librave me vlera letrare e … Continue reading

Shtëpia Botuese ” NACIONAL” publikon librin me përkthime “Nuk rroj dot pa grindje – Antologji e Tregimit Satirik Botëror” të përkthyesit Iliaz Bobaj.

Shtëpia Botuese ” NACIONAL” publikon librin me përkthime  “Nuk rroj dot pa grindje – Antologji e Tregimit Satirik Botëror” të përkthyesit Iliaz Bobaj. Iliaz Bobaj vjen me tjetër libër të përkthyer, kësaj radhe nga fusha e tregimit satirik. Titulli: Nuk … Continue reading

Poezi nga Vullnet Mato

Poezi nga Vullnet Mato   STILOLAPSI I MËSUESIT Stilolapsi im, ngjyrë gurkali, shtoi gjithandej klasat paralele, shumoi bluzat e bardha në spitale, mbushi udhët, klube dhe hotele. Stilolapsi im mësimor i thjeshtë, mbolli brazda, arave grunore, rinoi uniformën blu e … Continue reading

Poezi nga Lumo Kolleshi

Poezi nga Lumo Kolleshi

 

NJË KAT PA LEJË

Mbi “Jul Çezarin” e Shekspirit
Ngre për çdo natë një kat pa lejë.
Gjaku në kokë i shkon delirit,
Tym me shtëllunga qiejve të ngrejë.

Dhe është gati e njëjta skenë
Dhe skenë krimi sigurisht,
Komplotistët kohë s’kanë të flenë,
Në Filipi vuajnë pabesisht.

Mark Antonët s’do qajnë Çezarin,
Krimin e radhës duan të mbrojnë,
Për një kurorë e kanë hallin
Dhe pse një Romë bëhet një Trojë.

 

FALË TEJE UNË BABA

Me dëborë e veshi malin atë natë,
Veç mua ai mars më kish bërë zjarr.
Pritja i rrëzonte gurët shpat me shpat,
Cigarët nëpër tym i ndizja me cigar.

Në maternitet nuk kisha shkelur kurrë,
Në maternitet për herë të parë më fute ti,
E fsheshura nën çarçafë, sa një grusht,
E shenjta sa një ëngjell në qiellsi.

Veç një çast na lanë bashkë mamitë,
Dy puthje mbolla e ikja havada.
Një sofër ma shtruan në ëndrr perënditë.
Në pasqyrë pashë veten a ngjaja si baba.

 

***

Në një farë mënyre,
Doni apo s’doni ta besoni,
Të bardhë,të zinj e të çdo ngjyre,
Udhëtojmë drejt një Kamçakte si salmoni.

 

PJERGULL…

Pjergull që po më fryn sythet,
Ç’fjalë ke lënë me dallëndyshet?
Mëngjeset po m’i sjell ndryshe,
Po m’i sjell mbushur mëngjeset,
Syrin ma përplas te qelqet.
Kur të shoh veshur me gjethe,
Më shtie shtatë palë ethe.