KJAJ NË HESHTJE – Anders JACOBSSON (Draconian) / Shqipëroi Maksim Rakipaj

KJAJ NË HESHTJE

Anders JACOBSSON (Draconian)

Ky është teksti i një kënge i rrymës muzikore Death Metal i grupit suedez Anders JACOBSSON (Draconian) dhe titulli në origjinal është “cry in silence”…ai që pëlqen këtë lloj muzike e gjen në You Tube.

Mbushun pezm,
Krejt bosh jam, i prekun në sedër
gëlltitë prej vetmisë, prej kohësh i mshehun
e veç dhimbje rrjedh…

Dyshimi më tërhek zvarrë,
Tue më zhgërrye në pluhun
Në pluhunin e asaj çka ka mbet prej mejet,
I vramë me thikat e ksaj jete.

Sa më shijon krenia në kyt vuejtje,
Vetëm, krejt vetëm me ndjenjat
e drithshme të shpirtit tem
pa rrena, të pastra, e prep i braktisun,
ke fryga ngec keqas, mbetun pa shpresë.

Dhunue nga drit’e ksaj botë,
Përbuzë, braktisë, përtokë shkapetë.

Jam krejt vetëm, vërtet,
Por disi….ashtu disi,
si nji fitore ashtë vetmia jeme,
përballë zhgënjimit prej gëzimit a prej lumtunisë.

Zemrën ndij që rreh ma shpejt,
Edhe ankthi asht mà i kthjelltë
Por vneri ndaj botës më shtohet
I vetëm tue jetue hijesh.
Kaq krenar me kenë vetëm,
por i dishpruem,
Sa i dishruem për nji dorë miku,
A vërtet due me e jetue kyt jetë?

I kam nji mij aresyena me dekë
nji milion lot i kam në heshtje me i kja,
Mjerimi njerzor jetën ma ka zbrazë,
E ditën mallkoj pse erdha në kyt botë.

Por veç, kurrkush tjetër s’due me kenë
dhe kurrkush tjetër s’mendoj me kenë,
dhe kurrkush tjetër s’kam dashtë me kenë.

Më lypet, e due, prej kohësh shpagimin,
Më lypet, e due, e dishroj shpagimin,
E due shpagimin tem dhe njitash e due !

Bashkim; nji grumbull varrash të hapuna,
Shpirtnash të nximë, të nximë, por të dlirë
Andërr…çfarë andrre e largët!

Përse duhet unë…pse unë me kenë i vetëm,
unë e due, e due vllazninë teme të engjujve të mirë,
A kam me dekë, a duhet me dekë i lirë me kenë?
Kur unë kjaj, krejt vetëm kjaj, në heshtje,
Ju lutem pra, me më lanun në heshtje me dekë,
O Zot! Më leni pra, në heshtje me dekë.

© shqipëroi Maksim Rakipaj

shqipërim i vitit 2012

 

Maksim Rakipaj

Poesie di Maria Cristina Sabella

Poesie di Maria Cristina Sabella   Solo …tu ☆¸.✿.¸.•´ ¸.•´.-✿ ¯**´¯**´¯`˜”*°•.•.¸ღ¸☆ Sulla tua fronte fiorisce la tenera e luminosa Primavera, non disturbiamo le rime, potrebbero disperdersi nei pensieri miei, i sogni risvegliano i destini, vieni con me! devi affrettarti però, … Continue reading

Poezi nga Vasil Çuklla

Poezi nga Vasil Çuklla   Çast Një tis i hollë mjegulle, transparent si dhe vala mbulon turpshëm trupin, zhveshur, të mermertë. Mbledhur flok’ i gjatë, yj’ mos derdhë stërkala mos bëjnë hije trupit, ngdhendur në ndajdet… Hënë e zbritur tokës, … Continue reading

PROFILI I REVISTËS “ILLZ”, PËRMES TRE NUMRAVE TË PARË TË SAJ… / Nga: Prof. Murat Gecaj; publicist e studiues

PROFILI I REVISTËS “ILLZ”, PËRMES TRE NUMRAVE TË PARË TË SAJ… Nga: Prof. Murat Gecaj         publicist e studiues   Gjatë veprimtarisë përuruese, në Akademinë e Shkencave…(Tiranë, 21 mars 2017) Siç dihet, dalja në dritë e numrit të parë të … Continue reading