Poezi nga Lumo Kolleshi

Poezi nga Lumo Kolleshi

 

Në vend të urimit:

Vetëm valim shqiponjash në qiellin e një dite
E prapë bashkimi ynë ka uri.
Të gjitha fjalët më mbajnë një fjongo drite,
Metaforat i kam veshur për nesër të gjitha kuqezi.

 

GRINDJE E ÇUDITSHME

Nuk di pse këmbët më çuan në park
Apo era më kish hequr pas xhakete,
Veç pranë mimozave ndalova pak,
Grindeshin degët me fshikujt e kësaj ere.

Dhe ishte një grindje e çuditshme,
Dimrin po e shanin përmbi lumë,
Lotë të verdhë mbanin nëpër sythe,
Me lotë mimozash të qaja edhe unë.

 

DËBORA

E ka dëbora një ego të bardhë,
Të bardhë e ka në male lavdinë,
Majat pushton të gjitha me radhë,
Rrallë, fare rrallë shtron në luginë.

Inat, oh ç’inat me këmbët tona merr.
(Këmbët, për dreq, gjithmonë e bëjnë pis.)
Kthehet në dhimbje, në lot e në vrer,
Borë e shkelur bardhësisë i thotë: vdis!

 

***

I theva gishtat
Në porta që nuk m’u hapën kurrë.
Kallot e duarve të Sizifit
I gjeni tek unë.

 

Në garë?

Eh, të ishin kuaj, do t’i puthja në ballë.
Me jelet e tyre,
fjongo dhe gërsheta do të bëja për metaforat,
por,
po ma plas shpirtin kjo garë me horra.
Në garë,
baltarë,
kush të hedhë baltë më shumë,
mbi vlerat e kombit kush të hedhë më parë.
Sa qumësht gjiri i nënave të gjora
Paska shkuar dëm për horra!

 

 

Dijana Toska promovon vëllimin poetik “RRUAZAT E JETËS” në dt 6 dhjetor 2017, ora 19:19 në Qendrën Kulturore Informative në Shkup

Dijana Toska promovon vëllimin poetik “RRUAZAT E JETËS” në dt 6 dhjetor 2017, ora 19:19 në Qendrën  Kulturore Informative në Shkup Qendra Informative Kulturore – Shkup Ju fton në Promovimin e librit “RRUAZAT E JETËS”,nga Dijana Toska. Librin do ta … Continue reading

Pjesëmarrje e shkrimtarëve shqiptarë në kompeticionin e Çmimit Letrar “Balkanika”, edicioni 2015 dhe edicioni 2016 / Nga Irena Toçi

Pjesëmarrje e shkrimtarëve shqiptarë në kompeticionin e Çmimit Letrar “Balkanika”, edicioni 2015 dhe edicioni 2016     Të nderuar miq të Librit,   Njoftimi i mëposhtëm ka të bëjë me pjesëmarrjen e shkrimtarëve shqiptarë në kompeticionin e Çmimit Letrar “Balkanika”, … Continue reading