Rania Angelakoudi

  Rania Angelakoudi   Rania Angelakoudi was born in Kronanberg,Sweden a city she still visits and has close ties with.She’s been a citizen of the world from an early age,travelling and meeting people,sharing ideas and experiences with other artists about … Continue reading

Hapi që s’ kthehet pas… ( pjesa V – VI ) / Prozë poetike nga Majlinda Mema

Bright colourful background with textural paste and the dried flowers

Prozë poetike nga  Majlinda Mema

 

 

Hapi që  s’ kthehet pas…

(pjesa V)

 

Mbetem me sytë tek ndriçimi i ofruar, prani që nuk sheh kurrë dhe nuk humbet ngado që shkoj dhe që për më tepër më mban të malluar. Pranëvënie që krahët i hap e lirë dhe parafytyroj atë buzëqeshje që më ngazëllen krejt. Nisem  botës shkreti  për eksplorim, nuk ka një pikë ku të ndalemi, por as gjurmë jete , veç masive të pafunme rëre që djeg e përvëlon gjithçka. Lodhje nuk ndiejmë,  as peng në zemër, rrugët e ndara pa pikë takimi nuk bëhen humnerë ku të rrëzohem e humbas përfund tyre.  Është një fjalë e mirë,  e ngrohtë, kurrë se humbet tingullin e ëmbël, vjen e paqtë tek unë gjithmonë. Vështrim i ledhatues vjen  si fllad, të  bukurat lule farfurijnë  aromën, dhe beftas më kujtojnë pranverën.  Nuk humb acarit që uturin kudo, ti më plotëson gjysmën e humbur, tek ty rigjej vetveten, është e kotë të më mohosh.  Le ti shkelim lëndinat duke vrapuar, mos të dalim të heshtur këtij çlirimi dhe do kuptosh që kemi rikthyer atë çfarë kemi humbur

 

 

 

Hapi qè s’kthehet pas…

(pjesa  VI)

 

Mbetem mbuluar ftohtësisë së pamatë, çdo ndjeshmëri dhe mundësi reagimi, kësaj memecërie nuk ka fjalë. Psherëtin ajri i ikshmërisë time, thellë fundoset dhe i fundit blerim, mbeten përgjysmë të çiltrat vegime. Përpasem si dallgë qetësisë së pagojë, nuk ka shtigje rrethit vicioz dhe përkufizohem nga kulmet më të larta. Ecje të tilla  prangosin hapat, lidhin  e shtrëngojnë  hallka robërie, Jam rrezja e këputur në mes të qiellit, e thyer meridianëve të globit që po zhytet në errëti. Përqark asnjë frymë e gjallëruar, era e lehtë i tremb mendimet, nuk ka paqe në ndjesinë e munguar. Zogjtë e ndalën fluturimin, hapësirat nxihen stuhive të fuqishme, gjithçka e bukur ka humbur shkèlqimin. Të thërras me zërin plot ankim, por pas mbetet hidhërimi i lëngatës, çastet e endura në harrimin tim. Skaje të kundërta pa pikëtakimi, flijuar mosarritjes së sublimes ndjesi, mbetur përherë pengu im. Parathënie që vret si plumb, më afrohesh dhe pas çdo largimi, nga ky mohim lind sërish një pohim.

 

Shoqata Katolike në Zvicër publikon librin ” Të përvetësosh besimin” ( Benedikti XVI ) / Traduzione albanese a cura di Albana Alia.

  Shoqata Katolike në Zvicër publikon librin ” Të  përvetësosh besimin”  (Benedikti XVI )   Shoqata Katolike në Zvicër në bashkëpunim me përkthyesen Albana Alia  publikon librin ” Të  përvetësosh besimin” ( Benedikti XVI ) . ” Ishte një proces … Continue reading