Daily Archives: January 18, 2021

Shtëpia Botuese “JOZEF” publikon vëllimin poetik “Arie t’krisuna” të autores Desantila Qerimaj

Posted on by

0

 
Shtëpia Botuese “JOZEF” publikon vëllimin poetik “Arie t’krisuna” të autores Desantila Qerimaj
 
Titulli: Arie t’krisuna
Autore: Desantila Qerimaj
Editor: Jozef Radi
Shtëpia Botuese: “JOZEF”
 
Nji natë u ula buzë shtratit e përballë vedit në provë. Ishte dimën i vjetit 1994. Shkrova “Gjana në vargje”, për rrugën e fëminisë e adoleshencës që m’fliste nëpërmjet dritores t’nji dhome gjumi ku andrrat s’kishin emna as ftyrë, vetëm imagjinatë t’pakjartë. Ato fjalë nuk ekzistojnë má askund, me tanë përpjekjet e mia me i ruejtë nëpër portofolat e panumërt t’jetës. Por vetvetja që kërkova mbet. Rreth ngjarjeve të shumta t’jetës gjej nji emnues që përcakton anën ma t’ngrohtë temen, ftuese, t’heshtun e t’zhurmshme, qiellore, tingullore, mistike e t’panjoftun por edhe ma kapriçoze. Poezia. Në ndjehet a shkruhet, s’ka randsi…
 
Nji ndër ngjarjet që kujtoj shpesh, asht kur jam regjistrue për edukim ma të naltë “Higher Education” në Londër. Profesoresha tha: – Formularët në t’cilët ju keni me spjegue për vedin i keni përballë jush, janë pak të gjatë sepse ju duhet me dijtë me shitë vedin e çka dini shtrejtë, për m’u pranue në kët’ kurs!
– Si mund të shitet vedi shtrejtë? – pyes.
Ajo ndal pak sekonda shikimin te un’, kontrollon emnin tem.
-Ti je e huej Desëntajla, sa gjuhë din?
-Dy gjuhë: italisht dhe anglisht, kuptoj pak edhe norvegjisht po s’e flas! – përgjigjem.
– Je Italiane?
-Jo jo, jam shqiptare, por dij dy gjuhë, italisht dhe anglisht.
– At’herë ti din tre gjuhë, edhe gjuhën tande të nanës (mother tongue), – thotë e ekzaltueme dhe habi e gëzueme ia mbush ftyrën. – Asht e mrekullueshme. Kjo asht diçka që mund ta shesësh shtrejtë!
 
Shikimet e klasës sillen kah un’. Qeshi lehtë me buzë të mbylluna, mendueshëm. Ndjehem e dukshme. Hesht. Mendoj kalvarin e dhimbshëm, t’përjetshëm të “duhet me ba ma shumë” të shqiptarit, kalvarin e t’huejit. Këtu e kam pa vedin gjithmonë edhe me poezinë. Bash në kët’ pikë. Duhet me ba ma shumë. Duhet gjithmonë me ba ma shumë.
 
Uroj ky libër të përcjellin që poezia asht diçka ma shumë prej vedit. Ma shumë prej tokës, ujit, qiellit, diellit e trishtimit, diçka ma shumë prej lumtunisë, hanës, duerve, syve e lkurës teme. Uroj ta kem “shitë shtrejtë”, gjakun, fjalën, kohën e dashninë! Uroj të kem dijtë me përqafue mallin, brengën, ikjen e ardhjen te lexuesi…
 
Kur pashë librin në librari, u ndjeva mjaft e emocionueme, mu rikthye gjithçka në kujtesë. Nata e parë që kam shkrue poezi. Hera e parë që më kanë lexue… Poezi shpërnda në blloqe e vite. Takime. Kujtime… Mbështetja e parë dhe e mbarë këtu në fb e lexuesve e shkrimtarëve që lexoj e vlerësoj, (ishte shtysë jo pak domethanëse, që më riktheu dëshirën me shkrue), mbështetja e pandalun e Leon Lekaj qysh me poezitë e mia të para postue po këtu , gjej rastin me e falenderue me zemër t’lumtun për shumëçka e për mendimin estetik. Nën t’njajtën dritë falenderoj Shqiptar Oseku për mendimin estetik. Falenderoj Shtëpinë Botuese “Jozef”, drejtuesin Aurel Kaculini për mbeshtetjen e realizimin mbi kërkesat e mia të botimit. Falenderoj toliart.co.uk për kopertinen. Dhe me shpirt e zemër të hapun ndër duer falenderoj Jozef Radi, për redaktimin, punën e mbështetjen e jashtzakonshme, shtysën e vazhdueshme e këshillat e detajueme, që un’ të sillja ma t’mirën teme. Falenderoj lexuesin! Si instrumentiste, e ndjej duartrokitjen, asht toka ku instrumentisti, kësaj here poeti, lëshon tinguj, fjalë, lule, fara e bimë. Uroj t’çilin, t’nisen, t’ecin, t’bajnë rrugën e prekjes e ngjitjes, e t’përfundojnë në ndjeshmëninë tuej ashtu si duartrokitjet rrokin dëgjuesin me interpretuesin, muzikën me ne, sallën e botën me ne…
 
Pë t’interesuemit, ‘Arie t’krisuna’ mund ta gjeni te libraria Adrion në Tiranë, tek Libraria Ora e Shkodrës në Shkodër, dhe për ata që jetojnë jashtë Shqipniet, online tek adrionltd.com.
 
Me përjetimin e vjeshtës po risjell vjeshtën teme nga libri me gëzimin që më keni lexue, që më keni dashtë, e me gëzimin që doni me më lexue.
 
Vjeshtë
 
Kaloj përmes teje, shikimthyeme
mes gjethesh të shplame që kanë nisë m’u grrye.
Ke me ardhë tue lajmërue, un’ gjithnji pres,
si nanë e ngarkueme, që s’ka nevojë me ia kujtue vedit
përkujdesjen e dhomave t’përgjumuna,
akordet e ndjeshme lëkundë deri n’rrëzim,
perdet e syve ndrysh për çdo emocion,
mungesën e zhurmës n’shtatin e qytetit zymtue.
Ti je ditar pa gërma, shije që risjell ndër mend
tempujt e të vërtetave të dhimbshme, detnat,
zbaticat e lkurës e ndjenja që s’ecin má.
Mundem me t’pasë.
Jo kot gjendem n’pushtetin tand
tue mbjellë vyshkje që duhen përjetue.
Ti mbyt gjithçka mbrendë kutisë ku ruej
lule të vjetrueme, lindun qysh n’mars, brengë e vogël
kthye ma vonë n’kopësht që ka me vdekë.
 
Kaloj përmes teje, po ti ke mbrritë
matanë meje, aty ku s’ka má vend për kohë.
 
PS. Për promovimin e librit, uroj e shpresoj t’ketë nji lajmrin në të ardhmen, mbasi çeshtja e Covid, mi vështirson mundsitë.
 
 

Autore: Desantila Qerimaj

Autori Nehat Jahiu publikon librat: “Atdheu im” dhe” E dua një botë” ( Poezi për fëmijë) si dhe “Fjalë të arta për njerëz të artë” (Kujtime)

Posted on by

0

 
Autori Nehat Jahiu publikon librat: “Atdheu im” dhe” E dua një botë” ( Poezi për fëmijë) si dhe “Fjalë të arta për njerëz të artë” (Kujtime)
 
Autor: Nehat Jahiu
 
Titujt:
1.“ATDHEU IM”- ( Poezi për fëmijë)
2 “E DUA NJË BOTË”- (Poezi për fëmijë)
3 “FJALË TË ARTA PËR NJERËZ TË ARTË”– ( Kujtime)
 
Botoi dhe shtypi “ Lena Graphic “
Prishtinë 2021
 
 

Autori: Nehat Jahiu

Michael Lee Johnson, Internationally Published, AHF Magazine, Poems Published

Posted on by

0

Michael Lee Johnson, Internationally Published, AHF Magazine, Poems Published

https://www.youtube.com/watch?v=0FSUk… Please take a moment to Subscribe to my YouTube channel and Like this short video; feel free to leave comments. I recently had several poems, 5 poems published, plus an interview in AHF Magazine, Wolfian Press, Issue 12, Fall, which I’m privileged to be part of. I just want to share this short video on the Facebook Groups I administer only. The poems, all but the July poem, are available on YouTube: https://www.youtube.com/user/poetryma…. If you care to purchase a copy or submit your poetry, the links are here: http://www.alternate-history-fiction…. https://www.amazon.com/dp/B08MSGPTXM. I post this short video to the public with the permission of the editor/publisher.