Poezi nga Arqile V. Gjata

Poezi nga Arqile V. Gjata

 

NË KRAHËT E ERËRAVE

Në krahët e erërave
me fustanin e viteve
Ajo zonjë bëhesh më e bukur..
Kërkonte një zemër që këndonte,
dëshironte, të puthej me një këngëtar.
***
Zonjë bëhu më intime
mos t’ju gënjejë zemra
këngëtari këndon bukur,
poeti… thur dhe këngë dhe poezi!

Për inat të këngëtarit
eja në prehrin e poetit,
thonë:
“Poetët kanë lindur nga puthjet!”.

Eja te poeti,
në gjirin e erërave
do bëhesh më e bukur
Poeti, si një rreze drite
shuhet ngadalë
i mallëngjyer,
pa britma!

 

LETRA E ËNDRRËS
“Ëndrrat janë pishtarët paralajmërues të dëshirave.” Margarit Jurst

…Ndjej fëshfërimën e pranverës!
Po vjen e dashura ime,
më tund dorën me letrën
që i dërgova mbrëmë në ëndërr.

Rrobat e tejdukshme i flaku tutje…
me buzët e trëndafilta
është e bukur, lindur brenda meje
si pemë stine ngarkuar…

E lehtë si zogu,
fluturon, vjen e malluar
dora i dridhet
kur lexon letrën e ëndrrës time!

 

Hija e tij

Ai
e këqyrte hijen e tij
nëpërmjet skeletit 
derdhur mbi rrasën e gurtë
i zhveshur nga qejfi
për shkak të gjelbërimit.

Skeleti shkëlqente si foto nudo.
Në perëndim të Diellit
ai përqafonte hijen të lënë diku më tej.
Hija lëkundesh sikur vallëzonte
me skeletin dritëtretur.

E mjeruar nga frika e skeletit
hija hesht…
më pas,
shëndrohohet në copëra jete,
që akoma ecin si më parë.

Poems by Jean C. Bertrand

Poems by Jean C. Bertrand   Cryptic wind Modern birds Baffling, mysterious Thunder, pitiless winds Flying in the dark, striking Hearts, bleeding tears Voluminous, scary images, Angels of darkness in the air Smoking debris, terrifying faces Tremendously unholy dance Speechless … Continue reading

Poezi nga Lumo Kolleshi

Poezi nga Lumo Kolleshi   IKJE SI NE BALADË Nuk dija ç’më dukej vetja,duke ikur nëpër natë, Kostandin a Doruntinë ,njëri veç a të dy bashkë?. Eh,kjo zile telefoni,oshëtiu majë më majë, Po m’i shkulte të gjithë bredhat,po më digjte … Continue reading