Shpend Sollaku Noé, një poet i puthur në ballë prej perëndisë Apollo. / Nga Stelvio Mestrovich Wotninsky

shpend

Shpend Sollaku Noé, një poet i puthur në ballë prej perëndisë Apollo.

Nga  Stelvio Mestrovich Wotninsky

 

 

Kurrë sʼkam lexuar nje poemë kaq të bukur, por ngjethëse; kaq të ngje­shur me lirizëm, por të hidhur dhe plot helm; kaq të vërtetë, saqë të vjen të rilexosh, menjëherë pas kësaj, Shkrimet e Shejnta; kaq të përdi­tshme, saqë të vjen të kesh nostalgji për të kaluarën; kaq shpue­se e therëse saqë të vjen të veshësh dorash­ka para se tʼa shfletosh».

 

Pas një sërë librash të një niveli superior (i fundit, sipas kronologjisë, është fenomenali “Abysses-Vora­gini”, USA 2009), poeti shqiptar Shpend Sollaku Noé na prezanton tani poemën e labirinteve “Barkodë”.

Autori, profesor, gazetar, shkrimtar dhe sidomos Poet (me P të madhe), për ta diferencuar nga sharlata­nët dhe shitësit e varg­jeve të mërmëruar (gjith­monë e më shumë të pranishëm), jeton në Itali si azi­lant poli­tik që prej 1992-it. Bashkëpunon me gazeta dhe revi­sta të rëndësishme; veprat e tij i gjen të përk­thyera në gjuhë të ndryshme. Sh.S.Noé është shumë aktiv në mbrojtjen e të Drejtave të Njeriut, sidomos të emi­grantëve dhe të refugjatëve politikë.

Ky presantim nuk është i kotë. Është esencial për të kuptuar Atë që ka shkruar “Barkodë” dhe përse e ka shkruar. Është një uverturë për të depërtuar në vepër.

Në shkrimin e poemës “Codici a Barre”, Shpend Sollaku Noé është puthur në ballë e bekuar prej Perën­disë Apollo, pre­çektor i shpirtit të Artit, Muzikës e Poezisë, Perëndi e Dritës, nënkuptuar si njohje shpir­tërore dhe profetike. Dhe profecirat në këtë poemë gjenden me bollëk.

 

11058620_964002153619260_4096283415651791938_n

           Barcodes

 

Poeti Ynë shqiptar ngren zërin, qorton, paralajmë­ron, ndë­shkon mëkatarët e epokës që jetojmë. Zihet ngushtë vetëm se çfarë të zgjedhë, por kërkon të jetë afër të të braktisurit, të të varfërit, të emigrantit, të të ikurit prej luftrave, të azilantit poli­tik. Shfryhet me forcën e një cikloni, vërsulet kundër bankave, kundër demokracive të rreme, kundër marksizmit, kundër ka­pitalismit, duke tundur gishtin tregues minchelaxhe­lian sidomos kundër kalbësirës, tashmë të përditshme, duke dënuar pa më­shirë:

[…]Kafkë mbi kafkë,/eshtër mbi eshtër,/fertilizues për gjëmbaçë e grëmëra,/ hiç xixëllonja,/ zero mëllen­ja,/ zhdukur bretkët/ pak vetëtima./ Shi shtiran,/ bosh kujtesa e aromave,/ por nuk mungon e pamëshirshmj­a:/ nuk kishte lindur idiot,/ vdiq i çmendur[…]”

Vargje të dhunshme, ku shpërthen zemërimi dhe tri­shtimi për realitetin që na bren pak nga pak. E më tej:

[…]Ngarkoj mbi shpatulla sarkofagët e të pyes ty,/ fantazmë e përheshme/ e nëntokës,/ si nuk ke ditur/ Pegazin e interesave të kalërosh,/ të mjelësh/ apo të milesh prej financiareve/o tout court/ nxjerrësh bu­kën e gojës?![…]”

Këtu autori bëhet therës, këtu poezia ulet e paftuar në kroni­kën mondane, por gjithmonë e mbyllur në një kornizë të artë vargjesh të habitshëm.

Për një azilant politik, burgu është i parapëlqyer, është i pari dhe i vërteti atdhe:

[…]sepse atje jashtë bota të është/ si një banjo pe­nale: /programuar si të lindesh,/ programuar përse të jetosh,/ pro­gramuar kur të shfarosesh.”

Dhe shpresa ku është? Sh.S.Noé regjistron: […]“të vegjetoj­më e të jemi gati/ për t’i shërbyer providencia­lit bankomat,/ të flemë si gjithmonë të fundit/ e si gji­thmonë të zgjohemi të pa­rët,/ të konstatojmë që trupi ynë/ është akoma lumturimisht i tëri,/ kur sytë / kap­salliten për kredinë e shtëpisë,/ këmbët / vi­hen në lë­vizje për të shlyer këstet e autos,/ krahu i djathtë për­këdhel/ kuzhinën e re,/ dhe i majti/sallën e ngrë­nies;/ kur për të pasur subvencionim/ mendon zonja Vaginë,/ dhe ndonjëherë duhet të behet ganimed/ edhe zoti Penis./ Për iPhone-in e bre­zit të fundit/ parashikon treguesi i djathtë,/ për të vjedhur nga interneti videoklipet/ konsumohet sharësi i majtë,/ për të bërë të mbijetojnë hipertregjet/ turbinon zonja Bythë,/ dhe për boutique-ët/ kafka e trurit kaçak.[…]”

Shpend Sollaku Noe lartësohet si Dante Aligieri i shekullit të 21-të: në poemë nuk gjen lugje dhe rrethe të ferrit, por vi­zioni është po ashtu ngjethës. Ndihemi më se të mallkuar, bura­tinë të vërtetë që qarkullojnë në botën-ferr ku, në vend të flakë­ve, janë informatika, kreditë për tʼu paguar, fajdexhinjtë, bankat-shushunja, cmira, xhelosia, mania për të rënë në sy, besimet fetar­e të rreme, injoranca, historia e falsifikuar, burokracitë e çnderuara e pagdhendja.

Zoti nuk gjendet. Ndoshta edhe ai është bërë ma­son. Aty-këtu rigon ndonjë cifël qiellore në Terrin Apokaliptik. Hullì ko­metash shkojnë nxitimthi dhe zhduken në Hiç. Sepse edhe pa­ralajmërimet vlejnë një Hiç: Shkoni, o njerëz, të zvarriteni/ si horra të këna­qur/ të puthni duart e të të mëshirshmëve Godfa­thers,/ tʼu lëpini këmbët/ administratorëve bankarë,/ të gërvi­shni gjunjët në kllapi/ drejt Vegimit Hyjnor,/ e nën kaf­kë të kamx­hikoni të keqen,/ të inçizoni në shpinë gjar­përinj të gjako­sur./ E përjetshme lutja e shenjtë qoftë:/ Banka Jonë që je në Tokë..

Me këtë retiçenzë përfundon Poema “Barkodë” e Shpend Sollaku Noé-së.

Kurrë sʼkam lexuar një libër kaq të bukur, por ngje­thës; kaq të ngjeshur me lirizëm, por të hidhur dhe plot helm; kaq të vër­tetë, saqë të vjen të rilexosh, men­jëherë pas këtij, Shkrimet e Shejnta; kaq të përdi­tshëm, saqë të vjen të kesh nostalgji për të kaluarën; kaq depërtues e therës saqë të vjen të veshësh dorash­ka para se tʼa shfletosh.

 (Parathënie e Stelvio Mestrovich Wotninsky-it për li­brin “Bar­codes-Codici a barre”, botuar ne SHBA, në italisht e angli­sht, në vitin 2010).

Adem Zaplluzha

  Adem Zaplluzha     Adem Zaplluzha u lind më 1943 në Prizren. Shkollën fillore dhe të mesme i kreu në vendlindje, ndërsa Akademinë Pedagogjike në Prishtinë. Një kohë punoi si mësues nëpër fshatrat Studençan të Therandës (ish Suharekës) dhe … Continue reading

Shtëpia Botuese “ADA ” publikon dramën “ Antabuse ( Dhurata e së keqes ) “ të autorit Enea Ruçi dhe me parathënie të Prof. Dr. Josif Papagjoni .

  Shtëpia Botuese “ADA ” publikon  dramën   “ Antabuse ( Dhurata e së keqes )  “ të autorit Enea Ruçi dhe me parathënie të Prof. Dr. Josif Papagjoni .    Titulli i librit: Antabuse Autor: Enea Ruçi Redaktor: Neli Naço … Continue reading

Shtëpia Botuese “ADA ” publikon romanin “ Koleksionisti i ikjeve “ të autorit Petrit Sulaj dhe redaktim të Lida Lazaj.

Shtëpia Botuese “ADA ” publikon romanin  “ Koleksionisti i ikjeve “ të autorit  Petrit Sulaj dhe redaktim të  Lida Lazaj.   Titulli i librit: Koleksionisti i ikjeve Autor: Petrit Sulaj Redaktore: Lida Lazaj Formati: 14 X 20 ISBN: 978-9928-193-67-4   Roland … Continue reading

Shtëpia Botuese “ADA ” sjell ribotimin e librit “ ËNDRRËS I DHASHË JETË “ të poetes Dava Nikolli dhe redaktim të poetes dhe përkthyeses Vjollca Shurdha.

  Shtëpia Botuese “ADA ” sjell ribotimin e librit  “ ËNDRRËS I DHASHË JETË  “ të poetes   Dava Nikolli dhe redaktim të poetes dhe përkthyeses Vjollca Shurdha.   -Titulli: ËNDRRËS I DHASHË JETË -Autore: Dava Nikolli -Redaktore & Korrektore: Vjollca … Continue reading

Poezi nga Fatbardha Sokolaj

 

fatbardha sokoli

 Poezi nga Fatbardha Sokolaj

 

 

Robinë

 

Jashtë meje je ti ,

Dhe bota qesh…

rrathë të shkumëzuar ikjesh.

Kafshojnë lotin tim endacak !!

Kështjella ngre brenda meje .

Dhe bota qesh…!!!

me heshtjen time të trilluar…

…Robine jam ,,në muret e vetmisë  time !!

 

 

 

Mesnatë

 

Mbi parvazet e fjetura të qytetit,

lodhja kopsit motivet e heshtura të natës.

 

“MITET”  e hirta shkasin ,

në forma rrethore çarçafësh të zhuburosur.

 

Yjet e nates vidhen në agoninë e gjumit

E zhurmat në epigrafe meteorësh përçapen

mbi çatitë e përgjumura të qytetit,

e nata përhumbet në simfoninë  e mekur të yjeve !!!

 

 

 

NUK BINDEM

 

Ku po endem kështu!!!??

Me flokë  të  tharë  kujtimesh!

E ngathët në sytë e harruar të diellit,

Përplasur në dallgët memece të erës .

 

Nuk bindem të iki!!

Kurthe janë  ngritur  hapave  të çuditshëm.

Çoroditur më janë  mendimet

ngatërruar si një hipotezë

…e  mbahem .

ngarkuar me re, skutave  të pa fre.

 

 

 

***

 

Kur nata bie

mungesat bëhen zogj,

të  largëta foletë  ku dremisin .

të rënda pendet ku struken vetëtimat…

Kur ti me erën belbëzon

e heshtur bëhem unë …!!!

 

Nga droja se mos trembesh,

penelopë nata ku zhbën të ndryshkurat mungesa

E humba fillin pas meteorëve bija ime !!

E mira ime !

Sa shekuj je larg meje ?

 

Tri epitafe vrasin kohën time,

pa ty,

e hutuar gërvisht me pika shiu

gravurat e reve si ikin të qeta pas perdesh.

 

Pse endesh ..

Trokit,  trokit…

Si hije kam mbetur,  mos prit ?!

Gjurmët  e bardha mi fikin muzgjet.

 

Ku je e mira ime ?

S’ di a ta mallkoj kohën ?!

Sivjet më iku vjeshta pa ty

Pranvera bashkë do na mbije në sy!!

 

 

 

Përshkrim

 

Përmes ajrit të ngujuar

mbi fletushkat e mija

i jap fjalëve  frymën time

Silueta jote hollake

me fustanin që përdridhet, e të qeshurat e thata .

Shuk i mbledh në letër….

 

Ofshamën hajneshë të këpucëve  të tua

I ndiej si mozaik

Tek puthiten e mbushin rrullat

e pasionit tim për ty…

 

Për të mundur gabimin tim

në vijë të drejtë me veten .

Vendos shigjeta !

Në relievin e përmasave të  tua   shqyej fletën …

 

 

 

Eja

 

Eja,

T’i harlisim yjet

Hënën ta mbysim

në pellgje vetmie

Natën ta bredhim

me kitarën e erës

e bashkë të pimë

Temjan Dashurinë.

Poezi nga Kolec Traboini

  Poezi nga Kolec Traboini     MIGJENI SI KRISHT.       Legjenda kërkon njeriun.     Një verë e nxehtë që s’ kthehet më.       GJITHË DITËN KAM QË TË KËRKOJ?      

Albania – a growing country rich in family, culture and dignity – Interview with Ms. Charisse Parham (Executive Director, Producer/Composer) / Interviewer: Jeta Vojkollari

  A photo of Charisse at the Marubi Film School with the students and Mr. Kujtim Cashku.     Albania – a growing country rich in family, culture and dignity.   Interview with Ms. Charisse Parham (Executive Director, Producer/Composer)   … Continue reading

Shtëpia Botuese “Toena ” sjell në shqip romanin “Gruaja në pasqyrë “ të shkrimtarit Eric-Emmanuel Shmitt dhe përkthim të Rina Çela Grasset , roman i cili ka fituar Çmimin Letrar ” Agrippa d’Aubigné” . / Nga Irena Toçi

  Shtëpia Botuese “Toena ” sjell në shqip romanin “Gruaja në pasqyrë “ të shkrimtarit  Eric-Emmanuel Shmitt dhe përkthim të Rina Çela Grasset , roman i cili ka fituar Çmimin Letrar “ Agrippa d’Aubigné” .       Të dhënat … Continue reading

Shtëpia Botuese ” ADA ” publikon librin me fabula ” Kurora me banane ” të autorit SHKËLZEN ZALLI.

Shtëpia Botuese ” ADA ” publikon librin me fabula  ”  Kurora me banane ” të autorit SHKËLZEN ZALLI. Titulli: Kurora me banane AUTOR: SHKËLZEN ZALLI REDAKTOR-JAHO MARGJEKA KORREKTORE- VJOLLCA FETAHU Te gjitha të drejtat autori. Formati: 13.5 X 20 ISBN: 978-9928-193-68-1 … Continue reading

LIBËR, ME LARUSHI TEMATIKE DHE PASURI GJUHËSORE… (“Me shpirt atdhedashurie”, i prof. Murat Gecaj) / Nga: Ibrahim Hajdarmataj -arsimtar e publicist

LIBËR, ME LARUSHI TEMATIKE DHE PASURI GJUHËSORE… (“Me shpirt atdhedashurie”,  i prof. Murat Gecaj)   Nga: Ibrahim Hajdarmataj           -arsimtar e publicist     I.Hajdarmataj.     Shkrimtari, publicisti dhe studiuesi i njohur, prof. Murat Gecaj vjen te lexuesi ynë, … Continue reading

Shtëpia Botuese “Toena ” sjell në shqip romanin “Ishulli” të shkrimtares Victoria Hislop dhe përkthim të Platon Pullës, roman i cili ka fituar Çmimin Letrar “Richard & Judy Summer Read.” / Nga Irena Toçi

Shtëpia Botuese “Toena ” sjell në shqip romanin “Ishulli” të shkrimtares Victoria Hislop dhe përkthim të Platon Pullës, roman i cili  ka fituar  Çmimin  Letrar “Richard & Judy Summer Read.”                Victoria Hislop   Victoria Hislop … Continue reading

PROF. IBRAHIM KELMENDI : Intelektuali që shkroi historinë / dhe bëri histori. (Me rastin e 99 vjetorit të lindjes, kujtojmë jetën dhe veprën e intelektualit dhe patriotit të shquar ) / Nga AFRORE SHAIPI (Studente e vitit të parë – Fakulteti Juridik, Prishtinë)

  PROF. IBRAHIM KELMENDI   Intelektuali që shkroi historinë dhe bëri histori.    (Me rastin e 99 vjetorit të lindjes, kujtojmë jetën dhe veprën e intelektualit dhe patriotit të shquar )     Nga AFRORE SHAIPI (studente e vitit të parë … Continue reading

Fjalimi i Albin Kurtit në ligjëratën “Integrimi brendashqiptar përballë integrimit në BE” në Shkollën për Lidership të Qendrës për Zhvillim dhe Demokraci në Shkup, mbajtur më 11 prill 2015

Fjalimi i Albin Kurtit në ligjëratën “Integrimi brendashqiptar përballë integrimit në BE” në Shkollën për Lidership të Qendrës për Zhvillim dhe Demokraci në Shkup, mbajtur më 11 prill 2015   Albin Kurti     Integrimi është integrim i pjesës te … Continue reading