Poezi nga Rudina Muharremi Beja

  Poezi nga Rudina Muharremi Beja     FJALËT   Fjalët, si melodi e shpirtit udhëtojnë brenda vetes depërtojnë ngurtësisë së zemrave, e si lumenj vraparak trazojnë mendimet në ndjesi drithërimash, binarëve e rrëmujshëm kapilarëve, ndërsa nganjëherë zhuritur etjes… bien … Continue reading

Kohë për dashuri… / Videopoezi nga Mercedes Gega

Kohë për dashuri…

Videopoezi nga Mercedes Gega

Është koha për dashuri
 
Tek unë ka filluar të bjerë borë
(Ti e di sa e dua borën!)
Dhe flokëve fjongo të bardha malli t’më qëndis…
 
Përtej dritës së syrit,
Shtrirë mbi ngjyrat e pendesave të fjalëve të palindura
Mbi gjinj të enjtur sythesh Mars-i,
një mjegull heshtjesh endet…
Endet…
dhe më shfaq copëza siluetash të një drite,
qiellit rrudhadendur
ballit të ditës që nxitimthi ngjizëm dje…
Ti dhe Unë.
 
Ndërsa,
Kopështit të hënës së plotë
zambakët e të nesërmes vazhdojnë të rriten
në dy drejtime të kundërta,
Rrugës nga ku për të ardhur vetes
Shkuam…
 
Netët më mbajnë, gjithësesi, mëri
Për puthjet e gjumit të ëmbël
Si t’ua shpjegoj që nga dritë tash je yll
Yll agu në një tjetër ëndërr…
 
Stinët që atë ditë u quajtën:
Ti
Dhe gjithe orët shënojnë fiks:
Është koha për dashuri!
 
Ende…
Ende flokëve të mi vazhdon bie borë
E fjongove të bardha një dritë
Një dritë malli përndrit…
 
Copyright: Mercedes Gega

Poezi nga Sinan Vaka

  Poezi nga Sinan Vaka     LARASHI   E shikonim hapësirës sqimatarin kur lartonte, si nje pikëz arratije, shpirti ynë pas tij vraponte.   Adhurimi qe miklues ëndërrimi lakmimtar, ndizej zemrës ngazëllimi ngiste qiejt, merrte zjarr.   Por qiellori … Continue reading